Pikir • 08 Qyrkúıek, 2020

Qoıylǵan mindetterdi atqarý jospary túzildi

55 ret kórsetildi

Prezıdent Qasym-Jomart Toqaevtyń «Jańa jaǵdaıdaǵy Qazaqstan: is-qımyl kezeńi» Joldaýynda eldiń áleýmettik-ekonomıkalyq órkendeýinde teńgerimdi aýmaqtyq damý týraly arnaıy aıtyldy. «Elimizdi aýmaqtyq jáne keńistik turǵysynan damytý tásilderin túbegeıli ózgertý kerek. О́ńirlerimiz arasynda ekonomıkalyq jáne óndiristik baǵyty, turmys deńgeıi, memlekettik qyzmet sapasy jaǵynan aıyrmashylyqtar bar. Sondyqtan aýmaqtyq damý jolynda ár óńirdiń básekeli artyqshylyǵyn eskerý qajet», dedi Memleket basshysy.

Osy talaptardyń oryndalý sharttary aımaqta qandaı baǵyttar boıynsha órbıtini týraly jýyrda Soltústik Qazaqstan oblysynyń ákimi Qumar Aqsaqalov oblys aktıvimen Joldaýdy talqylaý barysynda aıtyp berdi.

О́ńirdegi ózekti problemanyń biri «Aýyl – el besigi» baǵdarlamasyn iske asyrý arqyly sheshimin tabýǵa tıis.

– Sondyqtan aýdandardyń jáne Petropavl qalasynyń ákimderine osy baǵdarlamanyń múmkindikterin paıdalanýdy tapsyramyn. Barlyq usynylǵan nysandar boıynsha jobalyq-smetalyq qujattamany sapaly daıyndaý qajet. Turǵyndar baǵdarlamanyń paıdasyn sezi­nýi kerek. Júrgizilip jatqan jumys­tar­dyń sapasy jurtshylyq tarapynan eshqandaı narazylyq týdyrmaýy tıis, – dedi ol.

Árıne, bes jylda aýyl sharýa­shy­lyǵyndaǵy eńbek ónimdiligin 2,5 ese arttyrý jáne ónimderdi eks­porttaýdy 2 ese kóterý týraly mindetti júzege asyrý ońaı emes ekeni belgili. Alaıda ony oryndaýǵa eldiń áleýeti jetedi. Osyǵan oraı ákim Soltústik Qazaqstanda aýyl sharýashylyǵy ónimin 2 ese arttyrý mindetin alǵa qoıyp otyr. Bul 2019 jyly 610 mlrd teńgeniń aýylsharýashylyq ónimi óndirilse, 2021 jyly – 700 mlrd teńgeniń, 2022 jyly – 781 mlrd teńge, 2023 jyly – 931 mlrd teńge, 2024 jyly – 1079 mlrd, 2025 jyly 1225 mlrd teńgeniń ónimin shyǵarýdy talap etedi.

Mundaı úlken tabysqa qol jetkizýdiń joldary qatarynda ákim astyq egý salasynda egis alqaptaryn dıversıfıkasııalaý, eksportqa shy­ǵarylatyn ónimderdi arttyrý qajet ekenin atady. Aımaqta maıly daqyldar alqaby qazirdiń ózinde 1 mln ga jetkizilgen, bul jalpy el boıynsha óńirler arasyndaǵy eń úlken kórsetkish.

Jerge mıneraldy tyńaıtqysh sińirýdi bıylǵy 130 myń tonnadan 2025 jylǵa qaraı 200 myń tonnaǵa jetkizý mejelenip otyr. Eńbek ónim­diligin arttyrýdyń bas­ty sharttarynyń biri ozyq tehnıkalardy qoldaný bolsa, sońǵy úsh jylda óńirde 90 mlrd teńgege jańa tehnıka alynǵan. Bıyl 45 mlrd teńgege jetkizý kózdelip otyr.

Astyq tuqymdaryn da aýysty­ryp, ónimdiligi barynsha joǵary­la­ryn sebý jumystary da únemi nazarda bolmaq. 2025 jylǵa deıin onyń 10 paıyzyn jańartý mejelengen.

Mal sharýashylyǵy ónimderin óndirýde sıfrlandyrý elementterin keńinen qoldaný arqyly eńbek ónim­diligin birneshe ese arttyrýǵa bolady. Búgingi tańda oblys aýma­ǵynda 80 taýarly sút fermasy bar. Osy nysandarda sıfrlandy­rý elementterin qoldaný úlken jetis­tik­ke jol ashpaq. Bıyl ǵana mundaı on ferma jańadan salynyp,
30 myń tonnalyq ónim shyǵarýǵa da­ıyn tur. Oblys osyndaı fermanyń jyl saıyn 20-syn salýdy kózdep otyr. Sonda 2021 jyly 20 myń, 2022 jyly 22,5 myń tonnanyń súti óndiriletin bolady.

Et pen et ónimderin arttyrý ba­ǵytynda soltústikte 10 myń ton­na qus etin óndire alatyn «Pet­ro­pav­lovskıı broıler» JShS qus fabrıkasy salynbaq. Et óndiretin «EMS Agro» JShS óziniń qýatyn arttyrýdy kózdep otyr.

Árıne, tek osy kásiporyndardyń kúshimen ǵana alǵa qoıylǵan mejeni oryndap shyǵý múmkin emes. Son­dyq­tan oblys basshylyǵy jańa jobalardy iske asyrý kerektigin alǵa tartty. Sonyń ishinde «Maslo Del» JShS óndirisin jańalaý mindeti alǵa qoıylǵan. Sút pen sút ónimderin óndiretin qosymsha jeliler tartylady. Osy jańǵyrtýlar aıaqtalǵanda kásiporyn jylyna 120 myń tonna ónim beretin bolady. Sondaı-aq kompanııa bolashaqta jylyna 200 myń tonna ónim bere alatyn masloekstrasııalyq zaýyt salýdy josparlap otyr.

Joldaýda belgilengen tapsyrmalardy oryndaýda ázirge osyndaı qadamdar jasalmaq.

 

Soltústik Qazaqstan oblysy

 

Sońǵy jańalyqtar

Saqtansań – saý bolarsyń

Aımaqtar • Keshe

Sırk - álem nazarynda

Qazaqstan • Keshe

Uqsas jańalyqtar