Júlde qory 53 400 000 dollardy quraıtyn jarystyń alǵashqy aınalymdarynda amerıkalyq Robın Montgomerı, belarýssııalyq Vera Lapko men Aleksandra Sosnovıchke san soqtyrǵan jerlesimiz tórtinshi kezeńde Petra Martıchpen kezdesti.
Álemdik reıtıngte 15 satyǵa jaıǵasqan 29 jastaǵy Horvatııanyń ókili byltyr US Open týrnırdiń dál osy mejesinde súringen bolatyn. Bıyl da sol jaǵdaı aına-qatesiz qaıtalady. Qos oıynshy arasyndaǵy kezdesý 2 saǵat 30 mınýtke sozylyp, jerlesimizdiń paıdasyna sheshildi. Esep – 6:3, 2:6, 6:4. Osylaısha, Pýtınseva óziniń sporttyq karerasynda alǵash ret aıtýly jarystyń shırek fınalynda baq synaý qurmetine ıe boldy.
Iýlııa Pýtınsevanyń kelesi qarsylasy – Djennıfer Breıdı. 25 jastaǵy AQSh tennısshisi qazirgi kezde WTA reıtınginde 41 oryndy ıelenýde.
