Osy jyldyń qańtar men shilde aralyǵynda áýe kompanııalar 2,6 mln adamdy tasymaldaǵan. О́tken jylmen salystyrǵanda 43,1%-ǵa tómendegen. Al tikeleı shilde aıyndaǵy reıster boıynsha 304,9 myń jolaýshy ushqan. Bul maýsym aıyndaǵy kórsetkishten 36,6%-ǵa az.
Vedomstvoaralyq komıssııanyń 2020 jylǵy 11 tamyzdaǵy sheshimi boıynsha 17 tamyzdan bastap Qazaqstan aptasyna 23 reıs jıiligimen 6 baǵyt boıynsha 4 elge halyqaralyq ushýdy kezeń-kezeńimen qaıta bastaldy. Olar: BAÁ (11 reıs), Germanııa (5 reıs), Belarýs (4 reıs), Ýkraına (3 reıs). Jeti aıdyń qorytyndysy boıynsha júk pen jol júgin tasymaldaý 10,9 myń tonnany qurady.
Sektordaǵy qyzmetterdiń meılinshe arzandaýy Shymkentte (51,3%-ǵa), Nur-Sultanda (46,4%-ǵa) jáne Aqtóbe oblysynda (37,2%-ǵa) baıqaldy. Tórt óńirde baǵa ózgerissiz qaldy: Aqmola, Almaty, Soltústik Qazaqstan jáne Túrkistan oblystarynda. Taǵy eki óńirde qyzmetter qymbattady: Atyraý oblysynda birden 18,5%-ǵa, al Qostanaı oblysynda – 4,3%-ǵa.
