Qoǵam • 08 Qyrkúıek, 2020

Almatynyń mádenıet nysandary shtattyq rejimde jumys isteı bastady

9 ret kórsetildi

Almaty qalasynyń bas sanıtarlyq dárigeri J.Bekshınniń qaýlysyna sáıkes, karantınniń jeńildetilýine baılanysty 1 qyrkúıekten bastap qalada murajaılar, kitaphanalar men haıýanattar baǵy qalypty rejimde jumys isteı bastady, dep habarlaıdy Egemen.kz.

"Almaty qalasy mýzeıler birlestigi" KMQK (Almaty murajaıy, Yqylas atyndaǵy ulttyq aspaptar Murajaıy, D. A. Qonaev Murajaıy, N. Tilendıev atyndaǵy Memorıaldyq murajaı, S. Muqanov jáne Ǵ. Músirepov atyndaǵy ádebı-memorıaldyq murajaı kesheni, Raıymbek batyr dástúrli mýzyka mýltımedııalyq murajaı kesheni) kúndelikti 10:00–den 19:00–ge deıin jumys isteıdi.

Sondaı-aq Yqylas atyndaǵy halyq mýzykalyq aspaptar murajaıynda Azııa jáne Eýropa mýzykalyq aspaptarynyń jańa zaldary ashylǵany habarlandy.

Karantın kezinde Almaty haıýanattar baǵynda kerik, zebra, Prjevalskıı jylqysynyń qulyny, buǵy, aqbóken, túıe, japon tyrnasy, emý túıequsy jáne taǵy basqalar dúnıege keldi. Ár túrli qustar men janýarlardyń júzden astam balasy bar. Barlyq tóldegen janýarlar tólderimen birge ekspozısııada.

Haıýanattar baǵy kúndelikti saǵat 9.00-den 19.00-ge deıin jumysyn qaıta bastady. Kassalar burynǵy jumys kestesine bir saǵat buryn erte jabylady.

Qalalyq kitaphanalar da ádettegideı 9.00-den 20.00-ge deıin jumys isteı bastady.

Sondaı-aq kitaptardy úıge 15 kún alýǵa bolady. Ortalyqtandyrylǵan kitaphana júıesi onlaın rejıminde kóptegen basqa is-sharalardy ótkizedi. Atap aıtqanda qazan aıynda balalar jazýshysy S. Begalınniń 125 jyldyǵyna arnalǵan onlaın rejıminde Halyqaralyq konferensııa ótkizý josparlanýda.

Mádenı nysandarǵa kiretin kezde qatań túrde áleýmettik qashyqtyqty jáne qorǵanys maskalaryn taǵyp kirý qajet.

Sońǵy jańalyqtar

Saqtansań – saý bolarsyń

Aımaqtar • Keshe

Sırk - álem nazarynda

Qazaqstan • Keshe

Uqsas jańalyqtar