"2023 jyldyń sońyna deıin myńnan astam adamdy maqsatty aýdıtorııamen qamtýdy josparlap otyrmyz. Olar - jas otbasylar, kolledjder men joǵary oqý oryndarynyń stýdentteri. Sondaı-aq jas ata-analar men balalardy da qatystyrý josparda bar. Biz jastar, genderlik, otbasylyq saıasat salasyndaǵy bilikti mamandardy shaqyramyz. Sonymen qatar úlgili otbasylardyń ókilderi ózderiniń qundylyqtary týraly áńgimeleıdi. Sonymen qatar balalar quqyqtary jónindegi ókilder, balany josparlaý jáne tárbıeleý jónindegi mamandar da tartylatyn bolady", - deıdi joba kýratory, jastar saıasaty máseleleri jónindegi basqarmanyń ókili Nurjan Parmanov.
Shara semınarlar, jas otbasylarǵa arnalǵan onlaın-trenıngter, "Úzdik jas otbasy" baıqaýy, beınerolıkter konkýrsy, fakýltatıvtik sabaqtar, jas analarǵa arnalǵan semınarlar men trenıngter, otbasylyq marafondar sııaqty jeti baǵytty qamtıdy.
"Osy aptada bizde “Úzdik jas otbasy” baıqaýy bastalady, sonymen qatar otbasylyq qundylyqtardy nasıhattaıtyn úzdik beınerolık baıqaýy ótedi. Sporttyq marafondar da bastalady. Qyrkúıek aıynda jas otbasylar úshin arnaıy semınar-trenıngter ótkiziledi. Analar úshin biz túrli janrdaǵy onlaın-kýrstar ótkizemiz. Mysaly, tanymal aspazshylar óz sheberlikterimen bólisedi", – dep atap ótti Nurjan Parmanov.
Jobaǵa qatysý tegin. Sonymen qatar, baıqaý jeńimpazdary men belsendiler úshin sertıfıkattar túrindegi syılyqtar qarastyrylǵan. Úsh jyldyq júlde qory 4 mln teńgeni quraıdy. Jobaǵa qatysý týraly barlyq aqparatty 8 702 837 32 49 nómirinen, @ns_jastary ınstagram paraqshasynan alýǵa bolady.
