Aımaqtar • 09 Qyrkúıek, 2020

Almaty oblysynda memlekettik qyzmetterdiń 82,9%-y avtomattandyryldy

36 ret kórsetildi

Almaty oblysy ákimdigi kórsetetin memlekettik qyzmetterdiń 82,9% avtomattandyrylǵan. Jyl sońyna deıin memlekettik qyzmetterdi avtomattandyrý deńgeıi 90%-ǵa jetedi, – dep habarlaıdy Egemen.kz Almaty oblysy ákiminiń baspasóz qyzmetine silteme jasap.

Oblystyq sıfrlyq tehnologııalar basqarmasynyń habarlaýynsha, Almaty oblysynyń aımaqtyq geoaqparattyq júıesiniń iske qosylýynyń nátıjesinde 16 memlekettik qyzmet elektrondy formatqa kóshirilgen. Onyń 10-y jer qatynastary, qalǵan 6-y sáýlet jáne qala qurylysy salalary boıynsha iske asyrylǵan.

Bas josparlardy, ınjenerlik jelilerdi oblystyq mańyzy bar qalalarda 100% sıfrlandyrý jumysy júrgizildi. Qabyldanǵan sharalardyń nátıjesinde jer qatynastary salasynda memlekettik qyzmetterdi kórsetý merzimi 1 jyldan 30 kúnge, al sáýlet jáne qurylys salasynda 100 kúnnen 10 kúnge deıin qysqartyldy. Sondaı-aq, bilim berý jáne sport salasyndaǵy 12 memlekettik qyzmetti avtomattandyrý jumysy júrgizilýde. Jyl sońyna deıin memlekettik qyzmetterdi avtomattandyrý deńgeıi 90%-ǵa jetkiziledi dep josparlanýda.

Sonymen birge, memlekettik qyzmetterdi óz betinshe onlaın rejıminde ala almaıtyn turǵyndar úshin oblys ortalyǵynda 53 «ózine-ózi qyzmet kórsetý buryshy» ashyldy.

Halyqtyń sıfrlyq saýattylyǵyn arttyrý boıynsha aqysyz kýrstardy uıymdastyrý jumystary júıeli túrde júrgizilip keledi. Búgingi tańda oblystaǵy halyqtyń sıfrlyq saýattylyq deńgeıi 83% quraıdy. Bıyl taǵy 10 myń adamdy oqytý josparlanýda. Jyl sońyna deıin bul kórsetkish 85 paıyzǵa jetedi.

Sońǵy jańalyqtar

Qur aýlaımyn dep quryqtaldy

Aımaqtar • Keshe

Almatyda jer silkindi

Qazaqstan • Keshe

Elengen erlik

Aımaqtar • Keshe

Uqsas jańalyqtar