"Qoldanystaǵy zańnamaǵa sáıkes, erler úshin zeınetkerlik jas 63 jasta, áıelder úshin qazirgi ýaqytta – 59,5 jasta bastalady.
Sondaı-aq, Biryńǵaı jınaqtaýshy zeınetaqy qorynda (budan ári - BJZQ) jetkilikti jınaqtalǵan zeınetaqy qarajaty bar Qazaqstan Respýblıkasynyń azamattary zeınetaqy annýıteti quqyǵyn (zeınetkerlik jasqa jetkenge deıin zeınetkerlikke shyǵý) paıdalana alady. Zeınetaqy annýıteti erler úshin – 55 jas, áıelder úshin – 51,5 jas mólsherinde belgilengen. Zııandy eńbek jaǵdaılarynda jumys isteıtin azamattar 50 jastan bastap zeınetaqy annýıtetin paıdalana alady.
Sonymen birge, "Qazaqstan Respýblıkasynda zeınetaqymen qamsyzdandyrý týraly" zańda áıelderdiń zeınetkerlik jasyn 2018 jyldan 2027 jylǵa deıin 10 jyl ishinde, 6 aı saıyn arttyrý kózdelgen.
Áıelderdiń zeınetkerlik jasyn arttyrý yntymaqty zeınetaqy júıesiniń birtindep "toqtatylýyna" baılanysty (yntymaqty zeınetaqy taǵaıyndaý úshin eńbek ótili 1998 jylǵy 1 qańtarǵa deıin ǵana esepke alynady, sondyqtan onyń mólsheri jyldan jylǵa azaıady).Osyǵan oraı áıelderge jınaqtaýshy zeınetaqy júıesine qatysý merzimin jáne jınaqtalǵan zeınetaqy qarajatynyń kólemin ulǵaıtýǵa múmkindik beriledi. Bul bolashaqta olarǵa BJZQ-dan zeınetaqy tólemderin jáne memlekettik bazalyq zeınetaqy tólemin joǵary mólsherde alýǵa múmkindik beredi, onyń mólsheri 2018 jylǵy 1 shildeden bastap zeınetaqy júıesine qatysý ótiline baılanysty bolady.
Zeınetkerlik jastyń ulǵaıýy qazirgi ýaqytta zeınetaqynyerte alýǵa quqyǵy bar áıelderge áser etpeıdi:
– 5 nemese odan da kóp bala týyp (asyrap alyp), olardy segiz jasqa deıin tárbıelegen áıelder - 53 jasta;
– Semeı ıadrolyq synaq polıgonynyń tótenshe jáne eń joǵary radıasııalyq qaýpi bar aımaqtarynda 1949 jylǵy 29 tamyzdan 1963 jylǵy 5 shildege deıin keminde 5 jyl ómir súrgen áıelder - 45 jasta.
Áıelder úshin jumys istemeıtin ananyń balalaryna kútim jasaǵan ýaqytyn, biraq ár bala 3 jasqa tolǵanǵa deıin, barlyǵy 12 jyl shamasyndaǵy ýaqytyn zeınetaqy taǵaıyndaý úshin eńbek ótiline esepke alý boıynsha jeńildik saqtaldy.
Azamattardan jalǵan aqparatqa nazar aýdarmaýdy jáne aqparatty tek resmı kózderden ǵana alýdysuraımyz.
Jalǵan aqparatty taratý zań boıynsha jazalanatynyn eske salamyz", delingen habarlamada.
