Maldıv aralyna ushar aldynda týrısterge:
-Jóneltýge deıin 72 saǵattan erte emes - Úkimet maquldaǵan, lısenzııalaǵan nemese tirkegen zerthanada PTR-synaǵyn ótkizip, odan sertıfıkattyń túpnusqasyn alyńyz. Sertıfıkatta zerthananyń ataýy men mekenjaıy, synaqtyń teris nátıjesi, zerthanalyq mór, synaq kúni, nátıje bergen adamnyń aty-jóni jáne qoly kórsetilýi kerek;
-Saparǵa shyǵar aldynda 24 saǵattan erte emes veb-saıtta densaýlyq týraly deklarasııa paraǵyn (HDF) toltyryńyz, QR kodyn elektrondy poshta arqyly alyńyz jáne ony telefonyńyzǵa júkteńiz;
-COVID-19 synaǵynyń oń nátıjesi bolǵan jaǵdaıda shyǵyndardy jabatyn medısınalyq saqtandyrýdy aldyn ala alyńyz. Densaýlyq týraly deklarasııa nysanyn (HDF) barlyq kelýshiler toltyrýy jáne eki ret tapsyrýy kerek - aldymen Maldıvke kelgennen keıin, sodan keıin Maldıvten keter aldynda.
Maldıv araldaryna ushatyn avıakompanııalardyń ókilderi ushý aldynda áýejaıda qujattardy tekseredi. Al taǵaıyndalǵan áýejaıǵa kelgennen keıin qujattardy kóshi-qon ofıseri tekseredi. Ol densaýlyq deklarasııasymen birge QR kodyn suraıdy.
Onlaın-formasyz kelgen qonaqtar áýejaıda nysandy toltyrýǵa májbúr bolady, bul olardyń qonaq úıine keshigip kelýine ákelýi múmkin.
BAÁ arqyly tranzıttik jolmen Maldıvke ushatyn týrıster BAÁ men Maldıv araldaryna kirýge jaramdy COVID-19 úshin Biryńǵaı PTR synaǵyn tapsyrady. Bul jaǵdaıda týrısttiń ózimen birge nátıjelerdiń eki danasy bolýy kerek. BAÁ arqyly tranzıtpen qaıtatyn reıste týrısterge jańa PTR synaǵy qajet bolady. Maldıv qonaq úıleri ony jetkizýdi uıymdastyrýǵa kómektesedi.
Áýejaıda ishki saıahat kezinde jáne barlyq jabyq qoǵamdyq oryndarda týrıster maska kııýi kerek. Maldıv araldaryna kirýdiń qalǵan erejeleri ózgergen joq: 30 kúndik vıza barlyq elderdiń azamattaryna kelgen kezde tegin beriledi.
