Kezdesý barysynda shahar basshysy Elbasy usynǵan rýhanı jańǵyrý — búginde ulttyq ıdeıa deńgeıine kóterilgenin, memleket qoǵamnyń rýhanı-mádenı damýyna aıryqsha nazar aýdaryp otyrǵanyn jetkizdi. Sondaı-aq, M.Áıtenov ulttyq kodty saqtaý men Máńgilik El muratyna qol jetkizýde shyǵarmashylyq zııaly qaýym ókilderiniń mańyzdy ról atqaratynyn atap ótti.
"Siz qazaq poezııasy men satırasyna eleýli eńbek sińirdińiz. "Qarlyǵash", "Gúl qaýyzyndaǵy tamshy", "Kún ulymyn" atty jyr jınaqtaryńyz ben ásem ánderińiz kópshilikke keńinen tanymal. Sonymen qatar Sizdiń "Abzaldyq álippesi", "Júrektegi jazýlar" syndy týyndylaryńyzdyń tárbıelik máni zor", degen Murat Dúısenbekuly aqyndy asqaraly 60 jasqa tolýymen quttyqtap, oǵan shalqar shabyt pen zor densaýlyq tiledi.
Aıta keteıik, búgin Shymkent qalasynyń Abaı atyndaǵy ortalyq kitaphanasynda Ákim Ysqaqtyń 60 jyldyǵyna arnalǵan "Móldireıdi júrektegi jazýlar" atty kezdesý keshi men kitap kórmesi ótti.
