Taý-ken óndirý sektorynda tústi kenderdi óndirý quramynda altyn bar kendi óndirýdi artýy esebinen 1,4% ósti. Temir ken óndirý kólemi 0,9% ósti.
О́ńdeý ónerkásibinde naqty kólem ındeksi tústi metallýrgııa, farmasevtıka, jeńil ónerkásip, mashına jasaý, hımııa jáne basqa da salalar esebinen 3,3% artty.
Tústi metallýrgııada óndiris kólemi tazartylǵan altyn óndirý kólemin 3%, bastapqy alıýmınııdi 1%, quıma altyn 30%, túıirshikterdegi kúmis 28% jáne basqa da kórsetkishterdiń ósýine baılanysty naqty kólem ındeksi 2,7% ulǵaıdy.
Hımııa ónerkásibinde óndiris kólemi 3,1% ósti. Bul dezınfeksııalyq quraldar jáne mıneraldy tyńaıtqyshtardyń óndirý kóleminiń ulǵaıýyna baılanysty boldy.
Farmasevtıka ónerkásibinde óndiris kólemi 34,1% artty. «SK-Farmasııa» dıstrıbıýtory arqyly tegin medısınalyq kómektiń kepildik berilgen kólemi sheńberinde dárilik zattar men medısınalyq buıymdardy jetkizý kólemi ulǵaıtyldy.
Jeńil ónerkásipte óndiris 11% ósti. Ol toqyma buıymdary óndirisiniń 7,2% jáne bylǵary ónimderdiń 66,2% ulǵaıýyna baılanysty boldy.
