Aýdan ákimi Qaırat Nurtaevtyń ornyn bosatýyna orynbasarynyń jemqorlyq áreketke barýy sebep bolǵan.
«Sybaılas jemqorlyqqa qarsy qyzmet buǵan deıin Qurmanǵazy aýdany ákiminiń orynbasary О́.Tájibaevqa qatysty sotqa deıingi tergeýdi aıaqtady. 3 shildede aýdandyq sot Qurmanǵazy aýdany ákiminiń burynǵy orynbasary О́rken Tájibaevqa úkim shyǵardy.
Ol týysqandaryna tirkelgen JShS men JK basqarmasyna qatysyp, olarǵa artyqshylyq berdi. Balyqshy kúnine arnalǵan is-sharany ótkizý syltaýymen JShS quryltaıshysynyń 150 myń teńge mólsherindegi aqshalaı qarajatyn ıemdegen. О́ndiristik kooperatıvterdiń birine 500 myń teńge zııan keltirdi. Sondaı-aq aýdannyń az qamtylǵan azamattary úshin qorǵanys medısınalyq maskalaryn satyp alýǵa qarjylyq kómek kórsetý syltaýymen kásipkerlerdiń jalpy somasy 125 myń teńge aqshalaı qarajatyn ıemdenip, keıinnen óz qajettiligine jumsady.
Nátıjesinde eks-sheneýnikke 2 mln 750 myń teńge kóleminde aıyppul salyp, memlekettik qyzmette qyzmet atqarý quqyǵynan ómir boıyna aıyryldy» -dedi departamenttiń birinshi orynbasary A.Mamyt.
Onyń aıtýynsha, «Memlekettik qyzmet jáne sybaılas jemqorlyqqa qarsy is-qımyl máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» Zańnyń jańa redaksııasyna sáıkes birinshi basshy aıyptaý úkimi kúshine engennen keıin 10 kúntizbelik kún ishinde otstavkaǵa ketýge mindetti.
«Osyǵan baılanysty, bıylǵy 8 qyrkúıekte Qurmanǵazy aýdanynyń ákimi Q.Nurtaev qol astyndaǵylarǵa qatysty sybaılas jemqorlyq janjalynan keıin otstavkaǵa ketýge ótinish berdi» -dep habarlady Sybaılas jemqorlyqqa qarsy is-qımyl agenttigi Atyraý oblysy boıynsha departamentiniń birinshi orynbasary A. Mamytov.
