Kelisimshartqa qoldy «QazAvtoJol» UK» AQ Basqarma tóraǵasy Ulan Álipov pen «Compass» JQS kompanııasynyń aksıoneri, «Kusto Group» dırektorlary keńesiniń seriktesi men múshesi Orazhan Qarsybekov qoıdy. Atalmysh rásimge sondaı-aq, mınıstr Beıbit Atamqulov, vıse-mınıstr Berik Qamalıev pen Avtomobıl joldary komıtetiniń tóraǵasy Saıranbek Barmaqov qatysty.
Qujat respýblıkalyq mańyzy bar avtomobıl joldarynyń boıynda qyzmet kórsetetin zamanaýı 35 keshenniń qurylysyn qarastyrady. Keshen janarmaı quıý stansııasy, aýyr júkti tasyǵysh kólikter men avtobýstarǵa arnalǵan keń parkıng alańy, 80 orynǵa laıyqtalǵan fýd-kort, taýarlar men avtobuıymdardyń keń assortımenti usynylǵan Express Market-pen jabdyqtalatyn bolady. Joba 4200 adamdy turaqty jumys ornymen qamtymaq. Investısııalardyń jalpy mólsheri 30 mlrd teńgeni quraıdy.
Álemdik úzdik tájirıbeni qoldana otyryp, qazaqstandyq «Compas» brendi kópfýnksıonaldy qyzmet salasynda joǵary nátıjelerge qol jetkizdi, Nur-Sultan, Almaty, Aqtóbe jáne Qyzylorda qalalarynda 11 keshendi turǵyzdy.
Mınıstrlik pen ulttyq operator óz tarapynan jol boıynda qyzmet kórsetetin atalmysh nysandardyń qurylysyn júrgizýde, olardyń alańdaryna odan ári qyzmet kórsetýde qoldaý tanytýǵa daıyn.
