Pikir • 10 Qyrkúıek, 2020

Joldaýǵa joǵary baǵa berdi

33 ret kórsetildi

GREKO atqarýshy hatshysy Qazaqstandaǵy jemqorlyqqa qarsy is-qımyldyń júıeli sharalaryna oń pikir bildirdi. Djanlýka Espozıto Memleket basshysy Qasym-Jomart Toqaevtyń bıylǵy 1 qyrkúıektegi Qazaqstan halqyna Joldaýynda aıtylǵan jemqorlyqqa qarsy bastamalarǵa qatysty pikirimen bólisti.

«Men sybaılas jemqorlyqqa qarsy kúreske júıeli turǵyda shara qabyldaý men aldyn alý jumystaryna erekshe mán bergendi quptaımyn», dep atap ótti GREKO atqarýshy hatshysy.

Osy turǵyda sarapshy jemqorlyqtyń aldyn alýdyń túp-tamyry sybaılas jemqorlyqqa qarsy saıasatty baǵalaý jáne ony qatysýshy elderde naqty iske asyrý negizinde jatqanyn atap ótti.

Ol Qazaqstan Prezıdentiniń sóılegen sózinde aıtylǵan rııasyz jáne ádil sot tóreligine baǵyt­talǵan baǵdarǵa erekshe nazar aýdardy.

Onyń pikirinshe, quqyqtyq memlekettiń bul ólshemi sybaılas jemqorlyqqa qarsy is-qımylda tıimdilikke qol jetkizýdiń negizgi sharty bolyp tabylady. О́z kezeginde jemqorlyqqa qarsy pármendi sharalar qoǵamnyń memlekettik ınstıtýttarǵa degen senimin arttyrady jáne ekonomıkalyq ósýge yqpal etedi.

О́z habarlamasynda Espozıto myrza 2021 jy­ly Qazaqstandy baǵalaýdyń birinshi raýndyn taǵat­syzdana kútetinin atap ótti. Onyń nátıjeleri boıynsha belgilengen standarttar men GREKO-nyń 20 jyl qyzmeti barysynda jınaqtalǵan ozyq tájirıbeni eskere otyryp, zańnama men tájirıbeni jaqsartý boıynsha usynymdar usynylatyn bolady.

Qazaqstan ókilderi osy halyqaralyq arenadaǵy bedeldi bastamaǵa qosylǵan sátten alǵash ret aǵym­daǵy jyldyń 21-25 qyrkúıeginde ótetin plenarlyq sessııaǵa onlaın rejimde qatysady.

 

 

 

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar