Koronavırýs • 10 Qyrkúıek, 2020

Saqtanǵan san soqpaıdy

13 ret kórsetildi

Búgingi tańda Túrkistan oblysynda epıdemııalyq jaǵdaı turaqty. Bir kúndik ósim 0,1 paıyzdy qurap, aýrýshańdyq kórsetkishi tómendegen. Degenmen oblystyń barlyq medısınalyq mekemelerinde koronavırýstyq ınfeksııamen kúres jumystary bekitilip, ekinshi tolqynyna daıyndyq jumystary júrgizilýde. Oblystyq qoǵamdyq densaýlyq basqarmasynyń málimetinshe, bul maqsatta jergilikti bıýdjet pen gýmanıtarlyq kómek arqyly 800-ge jýyq ottegi konsentratory alynǵan. Qarqyndy terapııa palatalary 1,5 myńǵa jýyq ottegi núktelerimen jasaqtalǵan.

Epıdemııalyq jaǵdaı eskerile otyryp, oblystyń medısınalyq uıymdary men «SQ-Farmasııa» JShS-y arasynda dárilik zattar men medısınalyq buıymdardy jetkizip berýge qosymsha kelisimsharttar jasalǵan. Mamandar qazirdiń ózinde 2 aıǵa jetetin jeke qorǵanys quraldarymen qamtamasyz etildi. Túrkııa elinen satyp alynyp, jetkizilgen dárilik zattar ishinde oseltamıvır, azıtromısın, enoksıparın, rıvaroksaban, meropenem, rokýronııa bromıd sekildi 140 myń dana preparat bar. Aıta ketelik, 253 mln teńgege alynǵan dári-dármek legi ınfeksııamen kúreste qurylǵan oblystyq arnaıy qorǵa jetkizilip, qoımada saqtalady.

«Oblys ákimi О́mirzaq Shókeevtiń tapsyrmasyna sáıkes, aýrýhanalar men dárihanalarda dári-dármek qory tolyqtyrylýda. Antıkoagýlıanttar, antıbıotıkter jáne ókpeni jasandy jeldetý kezeńinde naýqastyń jaǵ­daıyn jeńildetýge arnalǵan preparattar jetkizilgen. Atalǵan dárilik zattar 2023 jylǵa deıin jaramdy. Kúzde koronavırýstyń ekinshi tol­qyny ótýi múmkin degen boljam bar. Sol sebepti biz arnaıy dárilik qor jasaqtadyq», deıdi Qoǵamdyq densaý­lyq basqarmasynyń basshysy Marat Pashımov.

Sondaı-aq óńirde táýliktik qýaty 3 myńǵa jýyq synamany quraıtyn 12 zerthana jumys isteýde. Búginge deıin 130 myńnan astam adam test tapsyrǵan. Bıyl 30 naýryzdan bastap 8 qyrkúıekke deıin COVID-19 rastalǵan naýqastar sany – 3343. Naýqastardyń 96 paıyzy, ıaǵnı 3210-y jazylyp shyqty. Onyń ishinde sımptomsyz jaǵ­daıdaǵy 2244 adam tolyq saýyqty.

Qoǵamdyq densaýlyq basqarmasy habarlaǵandaı, koronavırýsqa qarsy emdeý sharalary úshin Densaýlyq saqtaý mınıstrliginiń tapsyrmasyna sáıkes ınfeksııalyq stasıonarlarda 600 tósektik oryn ashylyp, pro­vızorlyq stasıonarlar jabylǵan.

«Koronavırýs jáne pnevmonııa indet­terimen kúresý maqsatynda alǵash­qy medısınalyq-sanıtarlyq kómek kórsetetin uıymdarda quramynda dári­ger men orta býyn medısına qyz­metkerleri jumyldyrylǵan 380 mo­bıldi top jumys isteýde. Sondaı-aq medısınalyq uıymdarda ashylǵan 20 Call-ortalyqtary turǵyndar tarapynan týyndaǵan suraqtarǵa jaýap berip, ózekti máseleler boıynsha túsindirý jumystaryn júrgizýde. Qarqyndy terapııa palatalarynyń oksıgenote­rapııamen qamtylýy 1321 ottegi núk­telerin quraıdy. Medısınalyq uıym­dardy sondaı-aq, qosymsha ókpeni ja­sandy jeldetý apparattarymen tolyq­tyryp, jalpy sanyn 348-ge jetkizý josparlanýda. Túrkistan qalasynda 200 orynǵa eseptelgen modýldi juqpaly aýrýlar aýrýhanasy boı kóteredi. Indettiń órshýine baılanysty «Saqtansań – saqtaıdy» degen támsil sońǵy ýaqytta halyq arasynda jıi aıtylady. Sondyqtan biz de kópshilikke saqtanǵannyń san soqpaıtynyn aıtyp, barlyq talaptardy oryndaýyn únemi eskertip otyramyz», deıdi basqarma basshysy Marat Pashımov.

Taǵy bir aıta keter jańalyq – ob­lystaǵy medısınalyq jedel-járdem qyzmetiniń jumysyn jeńildetý maq­satynda «Kaspıı bank» jáne «Samu­ryq-Qazyna» ulttyq ál-aýqat qory AQ-y gýmanıtarlyq kómek retinde 20 «Chevrolet Damas» kóligin tartý etýde. Portatıvti jasandy ókpe jeldetkishi, defıbrıllıator, pýlsoksımetr, EKG qurylǵysy ornatylǵan medısınalyq jedel-járdem kólikteri oblystaǵy aýdan, qalalardyń aýrýhanalaryna beriledi.

 

Túrkistan oblysy

 

Sońǵy jańalyqtar

Uqsas jańalyqtar