Aımaqtar • 10 Qyrkúıek, 2020

Almatyda etnomádenı birlestikter Prezıdent Joldaýyn talqylaýda

14 ret kórsetildi

Qazaqstan halqy Assambleıasy Almaty qalasyndaǵy Dostyq úıinde Memleket basshysynyń "Jańa jaǵdaıdaǵy Qazaqstan: Is-qımyl kezeńi" atty Qazaqstan halqyna Joldaýyn iske asyrý máseleleri boıynsha respýblıkalyq etnomádenı birlestiktermen jınalys ótkizýde, dep habarlaıdy Egemen.kz.

Is-sharaǵa Qazaqstan halqy Assambleıasy Tóraǵasynyń orynbasary – Hatshylyq meńgerýshisi J.Q.Túımebaev, QR Parlamenti Májilisiniń depýtaty V.Bojko, QR Aqparat jáne qoǵamdyq damý vıse-mınıstri M.Ázilhanov, sondaı-aq Almaty qalalyq máslıhatynyń depýtattary, respýblıkalyq etnomádenı birlestikterdiń basshylary men Assambleıa jáne QHA Ǵylymı-sarapshylyq keńesiniń músheleri qatysýda.

Osy jıynda sóz sóılegen Qazaqstan halqy Assambleıasy Tóraǵasynyń orynbasary – Hatshylyq meńgerýshisi J.Q.Túımebaev "Memleket basshysy Qasym-Jomart Kemeluly Toqaev óz Joldaýynda qazirgi kezde elimizdiń aldynda turǵan asa ózekti máselelerge toqtalyp, naqty basymdyqtardy usyndy. Endigi maqsat – Joldaýdy birlesip oryndaý. Qazaqstan halqy Assambleıasy óz quzyreti sheńberinde Joldaýdy iske asyrý jumysyna belsendi qatysatyn bolady" dep atap ótti.

1

Sonymen qatar Elbasy N.Nazarbaevtyń álemdik ekonomıkalyq jáne geosaıası jaǵdaılarmen baılanysty elimizdiń syn tezinde turǵanyn eske salyp,  búginde daǵdarystyq ahýaldy ǵalamdyq resessııa jáne pandemııamen baılanysty bolyp otyrǵanyna toqtalyp ótti. Sondyqtan da qabyldanǵan sharalar daǵdarystyń birinshi kezeńin jeńildetýge múmkindik berdi. Al búginde basqa sharalardy qolǵa alýymyz qajet. Osyndaı kezeńde qoǵam Prezıdent Joldaýynan kóp máseleni kútti. Eń bastysy álemdik naryqtaǵy ahýal kezeńinde pandemııa men áleýmettik-ekonomıkalyq jaǵdaılar nazar aýdarady, dep atap ótti J.Túımebaev.

Jınalys barysynda Memleket Basshysynyń Qazaqstan halqyna Joldaýyndaǵy negizgi basymdyqtardy, Joldaýdy iske asyrýdaǵy Assambleıa men etnomádenı birlestikterdiń mindetterin, t.b. máseleler talqylanýda.

Sońǵy jańalyqtar

Vırýs mýtasııaǵa ushyrady

Koronavırýs • Keshe

Munaılyda gıdroponıka salasy damyp keledi

Aımaqtar • 30 Qazan, 2020

Elordada kottedjde bolǵan órt sóndirildi

Aımaqtar • 30 Qazan, 2020

Elordada 1700-den astam jumys orny quryldy

Aımaqtar • 30 Qazan, 2020

Uqsas jańalyqtar