AQSh senaty Germanııa kansleri Angela Merkelge qatysty júrgizilgen elektrondy barlaý máselesin talqylady. Bul týraly ITAR-TASS habarlady.
Atalmysh másele senatta qaralǵan soń, AQSh prezıdenti kómekshileri men Germanııa kansleriniń keńesshileri AQSh arnaıy qyzmetiniń Eýropada júrgizgen elektrondy barlaý áreketterinen týyndaǵan daý-damaıǵa baılanysty kezdesý ótkizdi.
Aq úı baspasóz hatshysynyń orynbasary Djoshýa Ernest málimdegendeı, AQSh tarapynan kezdesýge prezıdenttiń ulttyq qaýipsizdik jáne terrorızmmen kúres jónindegi kómekshileri Sıýzan Raıs pen Lıza Monako, ulttyq barlaý basqarmasynyń dırektory Djeıms Klepper men ulttyq qaýipsizdik agenttigi basshysynyń birinshi orynbasary Krıs Inglıs qatysty. Al Germanııa tarapynan bul kezdesýge kanslerdiń syrtqy saıasat jónindegi keńesshisi Krıstof Hoısgen men úkimettiń barlaý máseleleri jónindegi úılestirýshisi Gıýnter Haıss arnaıy kelgen bolatyn.
Djoshýa Ernesttiń aıtýy boıynsha, kezdesý barysynda jaqynda Germanııa kansleri Angela Merkel men AQSh prezıdenti Barak Obamanyń arasynda telefon arqyly bolǵan áńgimege baılanysty másele kóterildi. Sharada AQSh-tyń elektrondy barlaý áreketinen týyndaǵan daý-damaıdy retteýge baılanysty kelissózder júrgizilip, ekijaqty qarym-qatynasty nyǵaıtý máselesi kózdeldi.
Aıdar О́risbaev.
