Aımaqtar • 10 Qyrkúıek, 2020

Almatydaǵy Joǵary medısınalyq kolledjine umtylǵandar sany eki ese kóbeıdi

13 ret kórsetildi

Bul kúnderi Almaty qalasyndaǵy Joǵary medısınalyq kolledjine bilim alýǵa 1400-den astam talapker ótinish bildirip otyr, dep habarlaıdy Egemen.kz.

Al qalada atalmysh kolledjge qujattar qabyldaý aıaqtaldy. Qabyldanǵan qujattar sany ótken jyldyń kórsetkishterinen eki ese kóp. Bul týraly Almaty qalasy Joǵary medısınalyq kolledjiniń dırektory Svetlana Sultanǵazıeva málimdedi.

Medısınalyq mamandyqtarǵa degen suranys qana emes, sonymen qatar talapkerler tarapynan qyzyǵýshylyq artqanyn baıqaımyz. Bıyl 1500-ge jýyq adam qujattaryn tapsyrdy. Talapkerlerdi tartý onlaın rejıminde 2020 jylǵy 20 maýsymnan 2020 jylǵy 25 tamyzǵa deıin júzege asyryldy.

Bul úrdis túsinikti, epıdemııanyń alǵashqy kúnderinen bastap barlyq medısınalyq qyzmetkerler maıdan shebinde jumys isteýge tartyldy. Shilde aıynda indettiń órshigen kezinde4500-den astam medısınalyq qyzmetker, atap aıtar bolsaq, dárigerler, meıirbıkeler jáne zerthanashylar kovıdtik aýrýhanalarǵa jumyldyryldy. Árıne, barlyq medısına qyzmetkerleri búgingi kúnniń batyrlary. Al jastar úshin olar halyqtyń densaýlyǵyn saqtaýda turǵan aq halattylardyń sýper qaharmandaryna aınaldy.

Eresekter arasynda da medısınalyq mamandyqtarǵa suranys ta artqanyn atap ótken jón.Sonymen, bıyl talapkerlerdiń jasy 54 jasqa deıin ósti.

Bıyl "Meıirbıke isi" mamandyǵyna 482 talapker erekshe qyzyǵýshylyq bildirse, bul talapkerlerdiń 56,3% quraıdy.

Oraıy kelip turǵanda, 1981 jyly Almaty qalasy Qoǵamdyq densaýlyq basqarmasy negizinde Joǵary medısınalyq kolledji qurylǵan aıta ketý kerek. Kolledj jalpy meıirbıkeler, feldsherler, akýsherler, medısınalyq zerthanashylardy, dantısterdi, farmasevtterdi daıyndaıdy.Praktıkalyq densaýlyq saqtaýdy qarqyndy damytý úshin básekege qabiletti mamandardy daıyndaýda jetekshi bilim berý uıymy bolýǵa umtylyp otyr.

Ádette,  9 jáne 11 synyptan keıin oqýǵa túsýge ótinish bere alady.Oqý merzimi  3 jyldan 4 jylǵa deıingi aralyqty qamtıdy. Barlyq túlekter kásibı tehnıkalyq bilim týraly dıplom alady. Kolledjdi bitirgennen keıin mamandar básekege qabiletti, táýelsiz kásibı qyzmetke daıyn jáne Almaty qalasynyń medısınalyq uıymdarynda suranysqa ıe.

Joǵary medısınalyq kolledj Qazaqstan Respýblıkasynyń tehnıkalyq jáne kásiptik bilim berýdiń jetekshi oqý oryndarynyń biri. Kolledj oqytýdyń ınnovasııalyq tehnologııalaryn engize otyryp, bilim berý qyzmetterin usyný boıynsha joǵary sapany qamtamasyz etedi. Kolledj túlekteri jumyspen qamtý naryǵynda erkin básekege túsip, elimizdiń medısınalyq uıymdarynda tabysty  jumys jasaı alady.

Sońǵy jańalyqtar

Vırýs mýtasııaǵa ushyrady

Koronavırýs • Keshe

Munaılyda gıdroponıka salasy damyp keledi

Aımaqtar • 30 Qazan, 2020

Elordada kottedjde bolǵan órt sóndirildi

Aımaqtar • 30 Qazan, 2020

Elordada 1700-den astam jumys orny quryldy

Aımaqtar • 30 Qazan, 2020

Uqsas jańalyqtar