Aımaqtar • 10 Qyrkúıek, 2020

Almatydaǵy HQO-ǵa kelgen Tájikstan azamattaryn quttyqtady

11 ret kórsetildi

"Azamattarǵa arnalǵan úkimet" MK" KEAQ Almaty qalasy boıynsha fılıalynyń Halyqqa qyzmet kórsetý jónindegi kóshi-qon bólimi mamandary erekshe merekelik shara ótkizip, qyzmet alýshylaryn qýantty, dep habarlaıdy Egemen.kz.

Bul shara – Tájikstan Respýblıkasynan kelgen azamattarǵa arnaldy.

"Elinen tys júrgen azamattar, óz eliniń Táýelsizdik kúni merekesin sezinsin degen maqsatta uıymdastyrǵan edik. Árbir azamat óz eliniń eń qasterli merekesi – Táýelsizdik kúnin erekshe dáripteıtini sózsiz emes pe?! Sol sheteldik azamattardy merekelerimen quttyqtap, qýanysh syılaǵymyz keldi" - deıdi bólim basshysy Tımýr Qoqambaev.

"Biz mundaı qurmetti kútpegen edik. Ádettegideı qujat merzimin sozdyrýǵa kelgenbiz. Ortalyq mamandary elimizdiń merekesimen quttyqtap, sol eldiń azamaty retinde bizderge gúl syılap, qurmet kórsetti. Qyzmet kórsetý zaldaryn da bizdiń qurmetimizge merekelik bezendirý jasapty... Elimizdi saǵynyp júrgende, kózimizge qýanyshtan jas aldyq", – deıdi Dıloram Abassova.

Osy kúni, ıaǵnı 9 qyrkúıek kúni, bólimge kelgen Tájikstan azamattary ózderine kórsetilgen osyndaı zor qurmetke alǵystaryn bildirdi.

Sońǵy jańalyqtar

Uqsas jańalyqtar