12-13 qyrkúıekte Han-Shatyr saýda oıyn-saýyq ortalyǵynyń janyndaǵy alańda Batys Qazaqstan jáne Jambyl oblystary sharýalarynyń jármeńkesi ótedi. Eki oblystyń fermerleri elordaǵa 400 tonnadan astam ónim ákeledi.
Elorda turǵyndary men qonaqtaryna 204 tonna kókónis, 92,8 tonna et, 30 tonna shujyq, 12,5 tonna sút ónimderi, 55 myń dana jumyrtqa, 21,5 tonna un jáne makaron ónimderi, 6 tonna kondıterlik ónimder, 5 tonna qant, 2,5 tonna bal, 1,5 tonna keptirilgen jemister jáne t.b. ákelinedi.
Baǵalar naryqtaǵydan qaraǵanda 15-20% tómen bolady. Mysaly, sıyr etin 1700 teńge/kg, qoı etin 1900 teńge/kg, jylqy etin 2000 teńge/kg satyp alýǵa bolady.
Barlyǵy 445 mıllıon teńgeniń 405 tonna ónimin satý josparlanǵan. Jármeńkege kelýshiler qatań sanıtarlyq-gıgıenalyq talaptardy saqtaýy tıis.
