"Fýtboldan Qazaqstan quramasynyń jartylaı qorǵaýshysy Islambek Qýat búgin reseılik klýb sapynda medısınalyq tekseristen ótti. Ol "Hımkı" komandasymen maýsym sońyna deıin kelisimshart jasady. Jartylaı qorǵaýshy 20 nómirmen óner kórsetetin bolady.
"Hımkı" Reseı birinshiliginiń altynshy týrynan keıin úsh upaı jınap, týrnır kestesinde 15-orynda keledi. Aldaǵy senbi kúni bul komanda syrt alańda "Ýralǵa" qarsy kezdesý ótkizedi.
Aıta keteıik, "Hımkı" sapynda Qýattyń "Qaıratta" birgen oınaǵan komandalasy Dmıtrıı Homıch te óner kórsetedi", - dep jazdy Instagram paraqshasynda sport tilshisi Aıdyn Qojahmet.
Eske salaıyq, jyl basynda Islambek Qýat "Qaırattan" reseılik "Orenbýrg" komandasyna aýysqan edi. Bul komandanyń sapynda ol birneshe kezdesý ótkizdi. Biraq onyń komandasy Reseı Premer-lııgasynan shyǵyp qaldy. Sodan keıin fýtbolshy men komanda eki jaqty kelisim boıynsha shartnamany buzdy.
Sońǵy eki aıda Qýat klýbsyz júrdi. Oǵan Reseıdiń jáne Túrkııanyń birneshe komandasy qyzyǵýshylyq ta bildirdi. Qýat osy aralyqta Qazaqstan quramasy sapynda oınap úlgerdi. Ol Lıtvaǵa qarsy kezdesýde ekinshi taımda alańǵa shyǵyp, bir gol soqty. Belarýs quramasymen ótken oıynda da ol ekinshi taımda alaǵa shyqty.
