Zańsyz áreketke barǵandardyń isi áshkere bolyp, olarǵa qatysty sotaldy tergeý amaldary bastaldy. Kúdiktilerge "Jumyspen qamtýdyń jol kartasy-2020" baǵdarlamasy aıasynda Zarechnyı aýyldyq okrýgindegi jolǵa bólingen qarajatty jymqyrdy degen aıyp taǵylyp otyr.
Jalpy jyl basynan beri sybaılas jemqorlyqqa qarsy is qımyl agenttiginiń oblystyq departamenti 157 qylmystyq quqyq buzýshylyqty tirkegen. Sonyń 122-si sybaılas jemqorlyqpen baılanysty. Sońǵysy osy Qapshaǵaıdaǵy jaǵdaı bolyp otyr. Qyzmetkerlerdiń memleketke asa iri kólemde shyǵyn keltirilgeni anyqtalǵan.
Erbol Qurmanbaev, QR SJQIQ agenttigi Almaty oblysy boıynsha departamentiniń tergeýshisi: "Olar memleketke 14 mln teńge asa iri kólemde zalal keltirdi. Olar kinásin moıyndaýyna baılanysty qamaýǵa alynǵan joq, ıaǵnı qazir tergeý amaldary júrgizilip jatyr", deıdi ol.
