Bilim • 11 Qyrkúıek, 2020

Muǵalimge ótemaqy berile me?

62 ret kórsetildi

Qyzmettegi koronavırýs juqtyrǵan muǵalimge ótemaqy tólene me? Bul suraqqa Bilim jáne ǵylym mınıstrligi Prezıdent janyndaǵy Ortalyq kommýnıkasııalar qyzmetinde ótken «Qashyqtyqtan oqytýdyń aǵymdaǵy jaǵdaıy» atty brıfıngte jaýap berdi.

Bilim jáne ǵylym vıse-mı­nıstri Sholpan Tańatqyzy:

«Elimizde ata-analardyń qa­laýy boıynsha mektepte dás­túrli formatta oqyp jatqan oqý­shylar bar. Sáıkesinshe osyndaı oqýshylarǵa bilim berý úshin muǵalimder mektepke qatynap, shtattyq rejimde jumys istep júr. Osy rette mınıstrlikke qyzmetin atqarý kezinde koro­na­­vırýs juqtyryp alǵan mu­ǵa­limderge de dárigerlerge tólen­genindeı ótemaqy qarastyrý tý­raly ótinishter men suraq­tar kóptep tústi. Búginde muǵalim­dermen birdeı basqa da qoǵamdyq qyzmet ókilderi, kásiporyn ju­mysshylary, satýshylar, jýrnalıster, kásipkerler men eriktiler jumys istep jatyr. Sondyqtan muǵalimderdi qazir qoǵamda eńbek etip júrgen basqa mamandyq ıele­rinen bólip qaraýǵa bolmaıdy», dedi.

Atalǵan brıfıngte qashyqtan oqytýdyń qazirgi jaǵdaıynda kóp­balaly otbasyndaǵy balalardyń jaıy da eskerilgeni aıtyldy.

«Bilim berý prosesi sınhron­dy (tikeleı efırde, onlaın re­jimde sabaq ótý) jáne asınhron­dy (úzdiksiz baılanysta bi­lim berý) oqytý formatynda uıym­dastyrylýda. Sonyń ishinde asınhrondy túri kóbirek qoldanyp otyr. Bul degenimiz – muǵalimniń oqýshymen qashyqtan turaqty túrde úzdiksiz baılanys ornatyp, taqyryptyq tapsyrmalar berý, keri baılanys ornatý ar­qyly bilim berýi. Sondyqtan ot­ba­syndaǵy 3 oqýshynyń bir ýaqytta kompıýter paıdalanýyna qajettilik týmaıdy. Keıbir tapsyrmalardy telefonmen oryn­dap, muǵalimine jaýabyn ji­berýge bolady. Bul jerde bir úı­degi balalardyń sabaq oqýyna jaǵ­daı jasaýdy ata-ana qolǵa alýy kerek», dedi Sh.Tańatqyzy.

Sońǵy kezde qashyqtan oqy­týdy uıymdastyrýǵa memleket­ten qarjy qarastyrylǵany jó­ninde aqparattar tarap ketken edi. Baspasóz jıynynda osy máselege qatysty da resmı jaýap berildi.

Bilim jáne ǵylym mınıs­tri­niń qarjy salasyna jaýap­ty orynbasary Bıbigúl Aman­geldiqyzy:

«Elimizdegi shaǵyn jınaqty mektepterden basqa oqý oshaq­tary qashyqtan oqytýǵa kóshken kóktemdegi 4 toqsanda da, son­daı-aq qazir de jańa formatty uıymdastyrýǵa memleketten eshqandaı qarjy bólingen joq. Respýblıkalyq, jergilikti bıýd­jetten nemese qandaı da bir úkimettik uıymnyń qara­ja­tynan qashyqtan oqytýdy uıymdastyrýǵa aqsha qarasty­ryl­mady. О́tken toqsanda da, jańa oqý jylynda da barlyq ju­mystar tek muǵalimder men ata-analardyń eńbegimen iske asy­rylyp keledi. Sonymen qa­tar 4 toqsandaǵy jáne jaz aı­la­ryndaǵy ázirlengen vıdeo sabaq­tardyń bári tegin túsirildi», dedi.

 

Sońǵy jańalyqtar

Tarazdan kelgen ury ustaldy

Aımaqtar • Keshe

Bastama baıandylyǵymen qundy

Aımaqtar • Keshe

Uqsas jańalyqtar