Úkimet • 11 Qyrkúıek, 2020

Qoǵamdyq keńes otyrysy ótti

7 ret kórsetildi

Aqparat jáne qoǵamdyq damý mınıstrliginde aǵymdaǵy jyly alǵash ret Aqparat jáne qoǵamdyq damý salasyndaǵy Qoǵamdyq keńestiń otyrysy ótti. Epıdemııalyq jaǵdaıdy eskere otyryp, otyrys onlaın formatta júrgizildi. Issharaǵa Qoǵamdyq keńes músheleri, úkimettik emes uıymdardyń jáne memlekettik organnyń vedomstvolyq baǵynysty uıymdarynyń ókilderi qatysty.

Otyrys barysynda pandemııa kezindegi aqparattyq jumys jáne BAQ-qa qoldaý kórsetý týraly, etnosaralyq qatynastar salasyndaǵy memlekettik saıa­sat, sonymen qatar ÚEU grant­tyq jobalaryn josparlaý jáne iske asyrý ádistemesin jetildirý týraly máseleler talqylandy.

О́z sózinde Aqparat jáne qo­ǵamdyq damý mınıstri A.Balaeva: «Memleket basshysy Qazaqstan halqyna Joldaýynda memleket pen qoǵamnyń ózara is-qımyl nysandaryn odan ári damytý, qoǵamdyq monıtorıng jáne memleket qabyldaıtyn sheshimderdi baqylaý qajettigin atap ótti. Sondyqtan «Qoǵamdyq baqylaý týraly» zań osy má­se­lege baǵyttalatyn bolady», dedi.

Aıda Balaevanyń aıtýynsha, bilim men eńbekke umtylý arqyly ulttyń adamı kapıtalynyń sapasyn arttyrý mindetin jurt­shy­lyqpen yntymaqtastyq arqy­ly ǵana júzege asyrýǵa bolady. Mınıstrlik mundaı kezdesýlerdi turaqty negizde ótkizýdi josparlap otyr.

«Biz sizderdiń usy­nys­taryńyz úshin árqashan ashyqpyz jáne olardy belsendi talqylaýǵa daıynbyz», dedi mınıstr.

Sózge shyqqan Qoǵamdyq ke­ńes músheleriniń pikirleri talqy­­lanyp, aqparat, azamattyq qoǵam­­men ózara is-qımyl jáne et­­nos­aralyq qatynastar sala­laryndaǵy jumysty jetildirý boıynsha usynystar tyńdaldy.

Otyrysta aıtylǵan bar­lyq pi­kirlerdi, eskertýler men usy­nys­tardy hattamaǵa engizý jáne ja­ýap­ty tulǵalardyń nazaryna jet­kizý jóninde tapsyrmalar be­rildi.

 

 

Sońǵy jańalyqtar

Saqtansań – saý bolarsyń

Aımaqtar • Keshe

Sırk - álem nazarynda

Qazaqstan • Keshe

Uqsas jańalyqtar