Joldaýda Prezıdent memlekettik basqarý, ekonomıkalyq damý, qazaqstandyqtardyń áleýmettik ál-aýqatyn arttyrý máselelerine erekshe toqtaldy.
О́zim iri ónerkásiptik kásiporyndy basqaryp otyrǵandyqtan, mańyzdy qujattaǵy elimizdiń jańa ekonomıkalyq damýyn ilgeriletý jónindegi mindetterge erekshe nazar
aýdardym. Memleket basshysy álemde qalyptasqan qazirgi ahýal halyqaralyq ekonomıkany tolyǵymen ózgertkenin atap ótti. Osy oraıda Prezıdenttiń «ekonomıka halyqtyń ál-aýqatyn jaqsartý úshin jumys isteýi kerek» degen oıy mańyzdy dep oılaımyn.
Qasym-Jomart Kemeluly jańa ekonomıkalyq kýrstyń jeti negizgi baǵytyn jarııalady, onyń ishinde eń áýeli azamattardyń paıdasy men mindetterin ádil bólý qaǵıdasyna basymdyq berilýi kerek. Sonymen qatar óndiris kóleminiń ósýine, adamı kapıtaldy damytýǵa jáne «jasyl» ekonomıkany damytýǵa basa kóńil aýdarǵan durys dep sanaımyn.
Memleket basshysy mindettep otyrǵan máselelerdiń barlyǵy Sokolov-Sarybaı óndiristik birlestiginde qazirdiń ózinde qolǵa alynǵan. Búginde kásiporyn ERG basshylyǵynyń qoldaýymen óndiris tıimdiligi men óz ónimderiniń básekege qabilettiligin arttyrýǵa, mashınalar men jabdyqtardy jańartyp, eńbek ónimdiligin eseleýge qol jetkizdi. Sondaı-aq kompanııa kenshiler men kásiporyn ornalasqan eldi meken turǵyndarynyń ál-aýqatyn jaqsartýǵa baǵyttalǵan áleýmettik jobalardy belsendi túrde júzege asyryp keledi.
Memleket basshysy «Sıfrlandyrý – bul sánge aınalǵan úrdiske ilesý emes, ulttyq báseke qabilettiligin arttyrýdyń basty tetigi» ekendigin atap ótti. Buǵan alǵashqylardyń biri bolyp «Sıfrly Qazaqstan» baǵdarlamasyn júzege asyrýdy bastaǵan SSKО́B ujymy da kóz jetkizip otyr. Taıaýda Qashar alańynda «aqyldy kenish» jobasy sátti júzege asyryldy. Osy arqyly kásiporyn shyǵynyn azaıtyp, eńbek ónimdiligin arttyrý jáne joǵary sapaly ónimge qol jetkizý múmkindigine ıe bolyp otyrmyz. Búginde sıfrly tehnologııalardy engizý Qashar men Rýdnyıda ǵana emes, Eýrazııalyq toptyń basqa óńirlerdegi kásiporyndarynda da jalǵasýda.
Bereke MUHAMETQALIEV,
«SSKО́B» AQ prezıdenti
Qostanaı oblysy
