1945 jyldyń 11 qyrkúıeginde Germanııanyń Mıýnhen qalasynda dúnıege kelgen Frans 1964-1977 jyldar aralyǵynda óz eliniń ulttyq quramasy men «Bavarııa» klýbynyń namysyn qorǵady. Amplýasy – lıbero. Bul rette onyń baǵyndyrmaǵan belesi joq. Tarqatyp aıtsaq, álem chempıonatyndaǵy medaldardyń barlyq túrin qorjynǵa saldy: 1966 jyly – kúmis, 1970 jyly – qola, 1974 jyly – altyn. Sol jarystardyń úsheýinde de álemniń shartty quramasynyń tizimine endi. 1972 jyly ótken Eýropa birinshiliginde bas júldeni oljalasa, 1976 jyly ekinshi oryndy ıelendi. 1972 jáne 1976 jyldary qart qurlyqtyń eń úzdik oıynshysyna tıesili «Altyn dopty» enshiledi. Onyń taǵy da basqa tolyp jatqan ataqtary bar.
Frans Bekkenbaýer oıynshy ǵana emes, bapker retinde de ózin túbegeıli moıyndatty.
