Áıel №3 qalalyq aýrýhanaǵa jatqyzyldy. Kólik tizgininde bolǵan oblys ortalyǵynyń 57 jastaǵy turǵynyna qatysty Ákimshilik quqyq buzýshylyq týraly kodeksiniń "Jaıaý júrginshilerdiń nemese jol júrisiniń ózge de qatysýshylarynyń júrýine basymdyq bermeý" baby boıynsha materıal jınaldy. Avtokólik arnaıy turaqqa qoıyldy.
"Jol qozǵalysy qaýipsizdigine kóptegen faktorlar áser etedi, jol jaǵdaıynan bastap, joldyń kórinýine deıin, alaıda, qaýipsizdiktiń negizi – júrgizýshilermen, jaıaý júrginshiler men basqa da jol qozǵalysy qatysýshylarymen qozǵalys erejelerin qatań saqtaý bolyp tabylady. Jol qıylystary, jaıaý júrginshiler jolaǵyna jaqyndaǵan kezde joldaǵy jaǵdaıdyń kenetten ózgerýine daıyn bolý úshin jyldamdyqty azaıtý qajet. Barlyq jol qozǵalysyna qatysýshylardy jolda saq bolýǵa jáne jol qozǵalysy erejelerin buljytpaı saqtaýǵa shaqyramyz", atap ótti SQO Polısııa departamenti bastyǵynyń birinshi orynbasary, polısııa polkovnıgi Qanat Aıtbaev.
Aǵymdaǵy jyldyń 8 aıynda SQO joldarynda jaıaý júrginshilerdi soǵyp ketýmen baılanysty 31 jol-kólik oqıǵasy tirkeldi. Apattan 6 adam kóz jumyp, 29 adam jaraqat alǵan. 12 jaǵdaı jaıaý júrginshiler jolaǵymen ótý erejelerin buzýymen baılanysty oryn alǵan.
