Aımaqtar • 11 Qyrkúıek, 2020

Ekibastuzda 17 jasar stýdent pen 13 jasar oqýshy qyz О́skemenge qashyp ketken

76 ret kórsetildi

Ekibastuzda tórt kún buryn joǵalǵan kámeletke tolmaǵan eki balany Pavlodar oblysynyń jedel qyzmetkerleri ShQO-dan tapty, dep habarlaıdy Egemen.kz Ravlodarnews.kz saıtyna silteme jasap.

Oblystyq polısııa departamentiniń málimetinshe, 2020 jylǵy 6 qyrkúıekte Ekibastuz polısııasyna  kámeletke tolmaǵan balalardyń ata-analary olardy izdeý týraly ótinish bildirgen.

"Saǵat 20.00 shamasynda 2007 jyly týǵan Ekibastuz qalasynyń JOBBM oqýshysy jáne 2002 jyly týǵan kámeletke tolmaǵan kolledj oqýshysy úıden ketkeni anyqtaldy. Polısııa qyzmetkerleri dereý baǵdar jasap, aýmaqtyq bólimshelerge jiberdi. Olardy izdestirýge polısııa qyzmetkerleri, "Vita" jáne "Legıon 14" eriktileri men beı-jaı qaramaıtyn azamattar  qatysty", - dedi polısııa departamenti krımınaldyq polısııa basqarmasy bastyǵynyń orynbasary polkovnık Arman Sábıev.  

Izdestirý is-sharalarynyń nátıjesinde Pavlodar oblysynyń jedel qyzmetkerleri Shyǵys Qazaqstan oblysynyń polıseılerimen birlesip, kámeletke tolmaǵandardyń ekeýi de О́skemen qalasyndaǵy qonaq úılerdiń birinde ekenin anyqtaǵan.  

Polısııa zańdy ókilderdiń jaýapkershiligi týraly máseleni qarastyrýda.

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar