Qoǵam • 11 Qyrkúıek, 2020

Qaýipsizdik Keńesinde balalar men áıelderdi qorǵaý máseleleri qaraldy

18 ret kórsetildi

Qaýipsizdik Keńesiniń Apparatynda balalar men áıelderdi otbasylyq-turmystyq jáne seksýaldyq zorlyq-zombylyqtan qorǵaý, sondaı-aq sýısıdtik minez-qulyqtyń aldyn alý máseleleri boıynsha keńes ótkizildi, dep habarlaıdy Egemen.kz Aqordanyń baspasóz qyzmetine silteme jasap.

«Qazaqstan – 2050» Strategııasynda Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev ana men balany jan-jaqty qorǵaý qajettigin erekshe atap ótti.

Memleket basshysy Qasym-Jomart Toqaev óziniń 2020 jylǵy 1 qyrkúıektegi «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýynda kámeletke tolmaǵandardyń qaýipsizdigi men quqyqtaryn qorǵaýdy, onyń ishinde balalardyń zorlyq-zombylyǵyna baılanysty tergelip jatqan árbir isti qatań baqylaýǵa alýdy qamtamasyz etý qajettigin atap ótti.

Talqylaýǵa Qazaqstandaǵy  Bala quqyqtary jónindegi ýákil Arýjan Saın, «Nur Otan» partııasy janyndaǵy Otbasy, áıelder jáne balalardyń quqyqtaryn qorǵaý máseleleri jónindegi respýblıkalyq qoǵamdyq keńestiń tóraıymy Dınara Zakıeva, ýákiletti ortalyq jáne jergilikti atqarýshy organdardyń basshylary qatysty.

Keńeske qatysqan qoǵam belsendileri áıelder men balalarǵa qatysty zorlyq-zombylyq máselesi qazaqstandyq qoǵamda áli de ózekti ekenin  atap ótildi. Máselen, qylmystyq kórsetkishterdiń jalpy tómendeýine qaramastan, 2020 jyldyń 8 aıynyń nátıjeleri boıynsha otbasylyq-turmystyq salada jasalǵan (598-den 656-ǵa deıin nemese 9,7% - ǵa) qylmystyq quqyq buzýshylyqtar kóbeıgen.

Pikirtalas nátıjeleri boıynsha osy saladaǵy jumysty jetildirý boıynsha usynystar ázirlendi. Atap aıtqanda, qylmystyq isterdiń tıisti sanaty boıynsha quqyq qoldaný praktıkasyna qadaǵalaýdy kúsheıtýmen qatar, qoǵamda zorlyq-zombylyqqa tózbeýshilik mádenıetin qalyptastyrýǵa, azamattardy balalardyń fızıkalyq jáne rýhanı qol suǵýyna jol bermeý rýhynda tárbıeleýge nazar aýdarý usynyldy.

Osy turǵyda Prezıdenttiń Kómekshisi - Qaýipsizdik Keńesiniń hatshysy Áset Isekeshev quqyqqa qarsy arandatatyn kontentti buǵattaý jóninde, onyń ishinde dástúrli otbasylyq qundylyqtarǵa mansuqtaıtyn, zorlyq-zombylyqty nasıhattaıtyn, sondaı-aq kámeletke tolmaǵandar arasyndaǵy sýısıdtikke ıtermeleıtin árekettermen jumysty jandandyrýdy tapsyrdy.

Áset Isekeshev ortalyq memlekettik jáne aımaqtyq organ basshylaryn bólingen bıýdjettik qarajatty tıimdi paıdalanýdy tapsyrdy. Bir rettik shyǵyny kóp is-sharalardan góri, tıimdiligin dáleldegen naqty ispen aınalysatyn úkimettik emes uıymdarǵa basymdyq berýdi tapsyrdy.  

Quqyq qorǵaý organdaryna Memleket basshysynyń tapsyrmalaryn iske asyrý boıynsha, onyń ishinde kámeletke tolmaǵandarǵa jynystyq zorlyq-zombylyq kórsetkenderdi jaýapkershilikke tartýdy qatańdatý boıynsha jáne qaralyp jatqan qylmystyq isterge kedergi jasap otyrǵandardy anyqtap, saraptama jasaýǵa tapsyrmalar berildi. 

Sońǵy jańalyqtar

Vırýs mýtasııaǵa ushyrady

Koronavırýs • Keshe

Munaılyda gıdroponıka salasy damyp keledi

Aımaqtar • 30 Qazan, 2020

Elordada kottedjde bolǵan órt sóndirildi

Aımaqtar • 30 Qazan, 2020

Elordada 1700-den astam jumys orny quryldy

Aımaqtar • 30 Qazan, 2020

Uqsas jańalyqtar