Qazaqstan • 12 Qyrkúıek, 2020

Qazaqstandaǵy joldardyń 88%-nyń jaǵdaıy qanaǵattanarlyq

10 ret kórsetildi

Elimizde joldardyń 88%-nyń qoldaný jaǵdaıy qanaǵattanarlyq deńgeıde. Bul týraly QazAvtoJol ulttyq kompanııasynyń basqarma tóraǵasy Ulan Álipov málim etti, dep habarlaıdy Egemen.kz QazAqparatqa silteme jasap.

"Elimizde jalpy uzaqtyǵy 24 myń shaqyrym jol bar, búginde sonyń 88%-nyń jaǵdaıy qanaǵattanarlyq. Joldardyń sapasyna kelsek, ony tekseretin 5 satydan turatyn óziniń tártibi bar. Atap aıtqanda, merdiger, avtor, tehnıkalyq qadaǵalaý, sapa ortalyǵy jáne sońynda tapsyrys berýshiniń ózi tekserýden ótkizedi. Sonymen qatar buryn jol sapasynyń kepildik merzimi 2-3 jyl bolsa, endi ol 5 jylǵa deıin uzartyldy. Iаǵnı jańadan salynǵan joldan 5 jyl kóleminde aqaý tabylsa, onda merdiger kompanııa óz qaltasynan qaıta jóndeıdi. Al 5 jyl boıy joldy qaıta jóndeý kompanııaǵa tıimsiz, osy oraıda bul talap jaýapkershilikti arttyrady degen úmittemiz", dedi Ulan Álipov.

Onyń aıtýynsha, elimizde joldar jylyna 2 ret tekserýden ótedi.

"Tekserý barysynda joldan aqaý tabylsa, biz onda jaýapty merdiger kompanııaǵa habarlasyp, kemshilikterdi túzetýǵa ýaqyt beremiz. Eger belgilengen merzimde kemshilik túzetilmese, ol kompanııanyń bizdegi kepildik qarjysy ustalady. Jalpy elimizde respýblıkalyq mańyzy bar joldardy salatyn jáne jóndeıtin 20-ǵa jýyq kompanııa bar, al óńirlerdiń óz kompanııalary bar. Jolǵa qatysty aıtyp ótetin taǵy bir másele, biz tek respýblıkalyq mańyzy bar joldarǵa jaýaptymyz, al oblys, aýdan jáne aýyl aralyq joldarǵa jergilikti bılik jaýapty", dedi ol.

Sondaı-aq, ulttyq kompanııa basshysy jol salýda sheteldik tájirıbeni engizýge qatysty óz pikirin bildirdi.

"Árıne, jol salý men jóndeýde sheteldik tájirıbege súıenemiz. Biraq onyń ózindik erekshelikteri bar. Sebebi Eýropadaǵy joǵary sapaly jol materıaldary bizge jaramaıdy, óıtkeni bizdiń eldiń klımaty bólek. Sondyqtan sheteldik tájirıbe bizdiń elge ákelingen jaǵdaıdyń ózinde ony arnaıy synaqtan ótkizip, saraptama jasap ózimizdiń aýa raıyna yńǵaılap qoldanamyz", deıdi atalǵan uıymnyń basqarma tóraǵasy.



Sońǵy jańalyqtar

Dollardyń búgingi baǵamy belgili boldy

Ekonomıka • Búgin, 15:54

Atyraýda 9 balany ıt talady

Aımaqtar • Keshe

Taraz qalasynda gaz qubyry jaryldy

Aımaqtar • 23 Qazan, 2020

Syrda kúrishten rekordtyq ónim jınaldy

Aımaqtar • 23 Qazan, 2020

Uqsas jańalyqtar