Álem • 14 Qyrkúıek, 2020

Koronavırýs juqtyrǵandar kúrt kóbeıdi

1146 ret kórsetildi

Senbide Fransııa boıynsha COVID-19 juqtyrǵan 10 myń adam tirkeldi. Bul koronavırýs pandemııasy bastalǵaly beri eń úlken kórsetkish bolyp otyr. Úkimet bir táýlikte osynsha adamnyń vırýs juqtyrǵany alańdatatyn jaǵdaı ekenin málimdedi.

Senbidegi resmı derek boıynsha, elde 10 561 naýqas tirkelgen, al bir kún buryn, ıaǵnı jumada statıstıka 9 406 adamnyń vırýs juqtyrǵanyn kórsetti. 17 adamnyń vırýstan kóz jumǵany málim boldy. Osylaısha, barlyǵy 30 910 Fransııa azamaty vırýs­tan qaıtys boldy.

Medısına qyzmetkerleri muny halyqtyń demalystan jappaı oralýymen, mektepterdiń qaıta ashylýymen baılanystyrady. Premer-mınıstr Jan Kasteks koronavırýs pandemııasyna qatysty jaǵdaıdyń ýshyǵyp jatqanyn, statıstıka vırýstyń áli aılar boıy «mazalaıtynyn» kórsetip otyrǵanyn habarlady. Osydan biraz ýaqyt buryn eýropalyqtar óz qalalarynda shekteýlerge qarsylyǵyn bildirip, alańdarǵa jınalǵan-dy. Nátıjesinde, Fransııa úkimeti jappaı karantın jarııalamaı, áleýmettik qashyqtyq saqtaý men betperde kııýdi mindetteýmen shekteldi. Sońǵy habarlardan keıin de Fransııa úkimeti tarapynan qandaı da bir shekteý ne jańa jospardyń qolǵa alynǵany týraly aıtylǵan joq.

 

Sońǵy jańalyqtar

Vırýs mýtasııaǵa ushyrady

Koronavırýs • Keshe

Munaılyda gıdroponıka salasy damyp keledi

Aımaqtar • 30 Qazan, 2020

Elordada kottedjde bolǵan órt sóndirildi

Aımaqtar • 30 Qazan, 2020

Elordada 1700-den astam jumys orny quryldy

Aımaqtar • 30 Qazan, 2020

Uqsas jańalyqtar