Kadrlyq rezerv – memlekettiń mańyzdy bastamasy

«Prezıdent Joldaýy júıeli trans­formasııanyń keshendi sharalarynan turady. Al ony júzege asyrý úshin memleket pen qoǵam birlese jumys isteýi kerek. Eń bastysy, qoǵamǵa Jol­daýdyń negizgi aspektilerin, ony iske asyrýdyń naqty josparly sharalaryn jetkize bilgen abzal. Bul baǵytta Joldaýdy túsindirý jumystary qyzý júr­gizilip jatqanyn atap ótý kerek. Búginge deıin BAQ-ta Joldaýǵa qatys­ty 5 myńǵa jýyq materıal jaryq kórip, sarapshylardyń pikiri jarııa­lanýda. Joldaýda kóterilgen 11 baǵyt­tyń barlyǵy búgingi qoǵam úshin ózekti. Bul qoǵammen tyǵyz qarym-qaty­nas ornaǵanyn kórsetedi», dedi Aıda Balaeva.

Sonymen birge mınıstr qoǵam­dyq baqylaý ınstıtýttarynyń mańyz­dylyǵyn atap ótti. «Pandemııa kezinde qoǵamdyq baqylaý ınstıtýtynyń qanshalyqty mańyzdy ekenine kózimiz jetti. Qazirgi tańda qoǵamdyq keńester qoǵamdyq baqylaý fýnksııasyna ıe. Alaıda ýaqyt bul fýnksııaǵa ıe uıymdardyń tizimin keńeıtý kerektigin kórsetip otyr. Sebebi Aqparat jáne qoǵamdyq damý mınıstrligi qoǵamdyq baqylaý fýnksııasyn mindetine alǵan belsendiler jumysynyń úılestirýshisi boldy. Dárihanalardaǵy dári-dármek baǵasynyń ala-qulalyǵy, gýmanıtarlyq kómekti bólý máse­lesi, medısınalyq uıymdardyń jumy­syna qatysty qanshama másele týyn­daǵany belgili. Mine, osy rette biz belsendilerge qoldaý bildirdik.  Bu­ǵan elimizdiń kez kelgen azamaty qaty­sa alady. Osy oraıda «Qoǵamdyq baqy­laý týraly» zań jobasy ázirlenip jatqanyn, jumys toby qurylǵanyn aıtqym keledi. Al sizder, Prezıdenttiń kadrlyq rezervindegi jastar bul jumysqa aralasyp, jumys tobynyń múshesi bola alasyzdar», dedi mınıstr.

Mınıstrdiń aıtýynsha, zań jobasyn ázirleýge qatysyp jatqan jumys tobyna Ulttyq qoǵamdyq senim keńesiniń músheleri, úkimettik emes uıymdar ókilderi kirgen.

Odan ári mınıstr onlaın-petısııa ınstıtýtynyń qajettiligine de toqtaldy. «Qazaqstanda qoǵam ókilderi onlaın-petısııa ınstıtýtyn zańnamalyq turǵyda bekitý bastamasyn buǵan deıin birneshe ret kótergen bolatyn. Elimizde ol ınstıtýt jumysyn bastaý úshin onlaın-petısııalar bo­ıynsha platformany ázirleýi kerek. Biraq eń bastysy qajetti normatıvti-quqyqtyq baza bolýy tıis. Osyǵan ba­ılanysty qazirgi ýaqytta biz zańnamaǵa engiziletin ózgerister men túzetýlerdi ázirleýdemiz», dedi Aıda Balaeva.

 Osy oraıda mınıstr eń aldymen halyqqa petısııa uǵymyn túsindirý kerektigine toqtaldy. «Ekinshiden, petısııa jiberý, memlekettik organdardyń petısııalardy moderasııalaý men qaraý tártibin rettegen abzal. Úshinshiden, memlekettik organdardyń petısııany mindetti túrde qaraýy úshin qansha adamnyń qoly qajet ekenin aıqyndap alǵan jón», dedi mınıstr.

Al Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın Joldaýǵa qatysty ózi basqaryp otyrǵan mınıstrliktiń jos­parymen bólisti.

«Prezıdenttiń Joldaýyna qujat kúıinde ǵana qaramaý kerek. Sebebi Memleket basshysynyń buǵan deıingi aıtqan sózderi men kótergen bastamalary osy Joldaýdy tolyqtyryp tur. Bizdiń mınıstrlikke qatysty, eń bastysy, sıfrlandyrýdyń barlyq reformanyń bazalyq elementine aınalýy kerek ekeni basa aıtyldy. Ártúrli saladaǵy mejelerge jetý, memlekettik basqarý júıesin jańǵyrtý sekildi salalarda sıfrly maqsattar bar. Al bizdiń maqsat – shynynda da búkil reformalar prosesin jedeldetetin bazalyq elementke aınalý. Jalpy, Memleket basshysy bizge júktegen prosesterdi jedeldetetin bazany qurýymyz kerek», dedi ol. Mınıstr Memleket basshysynyń onlaın-petısııalar týraly bastamasyn ázirleýge Aqparat jáne qoǵamdyq damý mınıstrligimen birge atsalysatynyn jetkizdi. Prezıdent Ákimshiligi basshysynyń orynbasary Málik Myrzalın Prezıdenttik jastar kadrlyq rezervindegilermen kezdesý barysynda jergilikti máslıhattardyń róli men qyzmeti týraly pikirin bil­dir­di. Onyń aıtýynsha, múmkindigi kóp más­lıhattardy depýtattar tıimdi pa­ıdalanbaýda. Joldaýda máslıhattyń qol jınaı alatyny týraly aıtylǵanyn eske sala kele, jergilikti bıýdjettiń jumsalýyna aralasa alatynyn da tilge tıek etti. 

Al Memlekettik qyzmet isteri agent­tiginiń tóraǵasy Anar Jaıylǵanova Memleket basshysynyń tapsyrmasyna sáıkes,  Prezıdenttik jastar kadrlyq rezervi ekinshi ret ótkiziletinin atap ótti. Agenttik basshysynyń aıtýynsha, rezervtiń kelesi legi 50 adamǵa ǵana negizdeledi. Osy oraıda Anar Jaıylǵanova Joldaýda aıtylǵan memlekettik qyzmetkerler sanyn qysqartý máselesine de toqtalyp ótti. 

«Prezıdenttiń Joldaýda kórsetken tapsyrmasyn oryndaý úshin jaqsy  strategııa qajet. Iаǵnı, qyzmetkerler sanyn qysqartý zań sheńberinen shyqpaı, qyzmetkerlerdiń jańa jumysqa ornalasýyn qamtamasyz etý arqyly oryndalýy tıis. Bul turǵyda agenttik kelesideı jumysty júzege asyratyn bolady. Bıyl qyzmetkerlerdiń 10 pa­ıyzy, 2021 jyly 15 paıyzy qys­qarady. Qysqartýlar eń aldymen bos oryndar esebinen júrgiziledi.  Bárinen buryn, qyzmetinen bosatylǵan mamanǵa basqa jumys usynýdy qolǵa alamyz. Má­selen, ákimdikter vedomstvoǵa qarasty uıymdardan, kvazımemlekettik sektordan oryn usyna alady. Qysqartý bolǵanymen, bir de bir  qyzmetker jumys­syz qalmaýy kerek. Al memle­kettik qyzmetkerlerge jańa jumys usynylyp, olar atalǵan qyzmetke kelispegen jaǵdaıda, zań boıynsha, 4 jalaqy kóleminde ótemaqy tóleýimiz shart»,  dedi Agenttik basshysy.

Qazaqstan Respýblıkasy Prezı­den­ti­niń kómekshisi Erlan Qarın kadrlyq rezervtiń Memleket basshysy úshin mańyzyna toqtaldy. «Prezıdenttik kadrlar rezervi Memleket basshysy úshin úlken mańyzǵa ıe. Bul tek baıqaý ǵana emes, naqty áleýmettik saty. Osy jyly rezervtegilerdiń jartysyn jumyspen qamtý mindetteldi, biz ony oryndadyq. Qazirdiń ózinde biliktiligin dáleldep jatqan jastarymyz jeterlik. Jobanyń alǵashqy nátıjeleri kóńil qýantady», dep túıindedi ol sózin.