Qoǵam • 14 Qyrkúıek, 2020

4,3 myńnan astam adam jumys kúshi tapshy óńirlerge qonys aýdardy

15 ret kórsetildi

2020 jyldyń 8 aıynda Qazaqstannyń jumys kúshi kóp óńirlerinen jumys kúshi tapshy óńirlerine jalpy sany 4 386 adam, onyń ishinde eńbekke jaramdy jastaǵy 2 303 adam bar 1 273 otbasy qonys aýdardy, dep habarlaıdy Egemen.kz mınıstrliktiń baspasóz qyzmetine silteme jasap.

Eńbekke jaramdy otbasy músheleriniń ishinen 1 652 adam jańa turǵylyqty jeri boıynsha jumysqa ornalastyryldy.

Nátıjeli jumyspen qamtýdy jáne jappaı kásipkerlikti damytýdyń «Eńbek» memlekettik baǵdarlamasynda eńbek resýrstarynyń utqyrlyǵyn yntalandyrý úshin Úkimet aıqyndaıtyn óńirlerge erikti túrde qonys aýdaratyn adamdarǵa memlekettik qoldaý sharalary kózdelgen.

Almaty, Jambyl, Mańǵystaý, Túrkistan, Qyzylorda oblystary, sondaı-aq Nur-Sultan, Almaty jáne Shymkent qalalary qonys aýdarýshylardyń shyǵý óńirleri bolyp aıqyndaldy. Qabyldaý aımaqtary: Aqmola, Shyǵys Qazaqstan, Qaraǵandy, Qostanaı, Pavlodar, Soltústik Qazaqstan oblystary.

Memlekettik baǵdarlama aıasynda erikti qonys aýdarýǵa qatysýshylar úshin sýbsıdııa túrinde memlekettik qoldaý sharalary usynylady, atap aıtqanda:

- kóshýge otbasynyń árbir múshesine 35 AEK-ten bir jolǵy tólem (92 myń teńge);

- 12 aı ishinde aı saıyn 15-ten 30 AEK-ke deıin (39 myńnan 79 myń teńgege deıin) turǵyn úıdi jaldaý (jalǵa alý) jáne kommýnaldyq qyzmetterdi tóleý boıynsha shyǵyndardy óteý úshin otbasy músheleriniń sanyna jáne jergilikti jerge baılanysty tólenedi.

Sondaı-aq qonys aýdarýshylardy turǵyn úımen qamtamasyz etý boıynsha sharalar qabyldanýda.

Soltústik Qazaqstan oblysynda jeke turǵyn úı qurylysynyń 714 nysany salynady, Pavlodar oblysynda qonys aýdarýshylardy turǵyn úımen qamtamasyz etý úshin 441 páter satyp alynady.

2020 jyly barlyǵy 5 825 adamdy (1 631 otbasy) kóshirý josparlanýda.

Sońǵy jańalyqtar

Saqtansań – saý bolarsyń

Aımaqtar • Keshe

Sırk - álem nazarynda

Qazaqstan • Keshe

Uqsas jańalyqtar