О́tken jyly barlyq aýdanda kópbalaly jáne az qamtylǵan otbasylaryna arnalǵan "Baqytty otbasy" áleýmettik jobasy ashylǵan bolatyn. Joba aıasynda áıelderdi iskerlik belsendilikke tartý maqsatynda "Isker ana" baǵdarlamasy iske asa bastaǵany belgili. Kýrsta kásipkerliktiń álippesi úıretiledi.
Bıyl "Eńbek" nátıjeli jumyspen qamtýdy jáne jappaı kásipkerlikti damytý baǵdarlamasy aıasynda kópbalaly jáne az qamtylǵan otbasylardan shyqqan 700-ge jýyq ana óz bıznesin ashyp, bıznes-ıdeıalaryn júzege asyrý úshin 200 AEK-ke deıingi mólsherde grant aldy.
Búginde olar tigin men toqyma buıymdaryn, ulttyq kıim men áshekeılerdi, ydys-aıaqtar jáne basqa da taýarlardy shyǵarady. Bul ónimderin olar Túrksib aýdanynda mesenattardyń qoldaýymen ashylǵan "Isker ana" arnaıy dúkeninde sata alady.
