Birese kúkirttiń ıisi qolqany qabady. Endi birde qamys órtenip, kók júzin qara tútin qaptaıdy. Endi mine, taǵy da qara tútinniń býdaqtaǵany anyqtalyp otyr.
"Ekologııa departamenti áleýmettik jelilerdegi jazbalarǵa monıtorıng júrgizý kezinde Qarabatan eldi mekeni aýmaǵynda atmosferalyq aýada qara tútin izderi bar lastaýshy zattardyń shyǵarylǵanyn anyqtady. Osyǵan baılanysty vedomstvo qyzmetkerleri mobıldi jyljymaly zerthanamen Qarabatan eldi mekeniniń aýmaǵyna bardy.
Aýany lastaýshy shyǵaryndylardyń (qara tútinniń) kózi Nort Kaspıan Opereıtıng Kompanı N.V. kompanııasynyń fılıaly "Bolashaq" munaı men gazdy keshendi daıyndaý qondyrǵysynyń fakeldi qondyrǵysy ekeni anyqtaldy. Sondaı-aq, departament qyzmetkerleri sanıtarlyq qorǵanysh aımaǵy shekarasynyń irgeles aýmaǵynda atmosferalyq aýany ólshedi. Osyǵan baılanysty ónerkásiptik nysanǵa jospardan tys tekserý júrgiziledi. Onyń nátıjeleri týraly qosymsha habarlanatyn bolady", dep habarlady Atyraý oblysy boıynsha ekologııa departamentiniń baspasóz qyzmeti.
