Bul kómek "Samuryq-Qazyna" aksıonerlik qoǵamy men Qazaqstan Respýblıkasy Densaýlyq saqtaý mınıstrligi arasyndaǵy yntymaqtastyq týraly memorandým aıasynda kórsetilgen. "Samuryq-Qazyna" AQ kompanııalar tobynyń biryńǵaı qaıyrymdylyq operatory - "Samruk-KazynaTrust" áleýmettik jobalardy damytý qory» qajetti jabdyqty satyp alyp, óńirlerge tapsyrdy.
О́ńirdegi medısına mekemeleri ókpeni jasandy jeldetetin 4 qural, 30 ottegi konsentratory, 60 pýlstik oksımetrge ıe boldy. Sondaı-aq, óńirge "Shevrolet-Damas" markaly eki jedel járdem kóligi keldi. Bul kólikter Oral qalasyndaǵy eki emhanaǵa berildi.
"Samuryq-Qazyna" men "Samruk-Kazyna Trust Fund" kórsetken kómek bizge der kezinde keldi. Sol úshin demeýshilerge kóp alǵys aıtqym keledi. Bul jabdyqtar bizdiń oblystyq jalpy aýrýhana úshin koronavırýspen kúreste jaqsy negiz boldy. Biz qazir eldi alańdatyp otyrǵan indettiń ekinshi tolqynyna jaqsy daıyndyq jasadyq dep úmittenemiz. Sonymen qatar, bul qurylǵylar basqa da aýrýlarmen aýyratyn naýqastarǵa da kómektesedi", dedi oblystyq kópbeıindi aýrýhana dırektory Arman Baıdeýov.
Aıta keterligi, osyndaı jabdyqtar ár oblysqa, sondaı-aq respýblıkalyq mańyzy bar qalalarǵa da beriledi eken.
"Bul sharanyń barlyǵy ulttyq densaýlyq saqtaý júıesin nyǵaıtý úshin, juqpaly aýrýlarǵa, onyń ishinde COVID-19 koronavırýstyq ınfeksııasyna qarsy turý úshin jasalǵan", deıdi "Samuryq-QazynaTrast" qorynyń resmı ókili Mıras Irgebaev.
Joǵaryda aıtylǵan Memorandým sheńberinde Qazaqstannyń medısınalyq mekemelerine barlyǵy 100 jedel járdem kóligi, 1000 ottegi konsentratory, 50 jeldetkish jáne 1000 pýlstik oksımetr jetkizilgen.
Batys Qazaqstan
