Suhbat • 15 Qyrkúıek, 2020

Kadrlyq rezerv – sabaqtastyq joly

27 ret kórsetildi

Maksım Spotkaı esimi kópshilikke burynnan tanys. Pavlodar oblysyndaǵy Aqsý qalasynyń týmasy, táýelsizdiktiń tól kurdasy Maksım buǵan deıin Nur Otan partııasynda, Prezıdent Ákimshiliginde eńbek etti. Omby qalasyndaǵy tehnıkalyq ýnıversıtette oqyp júrgen kezinde kórshi elde qazaq tilinen sabaq berip, mádenı-tanymdyq gazetti basqarǵan ol búginde Parlament Senaty apparaty basshysynyń orynbasary bolyp qyzmet etedi. Parlamentke jańa maqsattar men tyń ıdeıalardy arqalap kelgen jas mamandy Prezıdenttiń kadrlyq rezervi, memlekettik basqarý júıesi týraly áńgimege tartqan edik.

– Bilýimizshe, siz buǵan deıin de memlekettik basqarý salasynda qyzmet ettińiz. Bul jobada baǵyńyzdy synaýǵa ne túrtki boldy?

– Prezıdenttiń kadrlyq rezer­vi jasaqtalatyny týraly Memle­ket basshysy óziniń saılaýaldy baǵdarlamasynda aıtyp ótken-di. Odan keıin áleýmettik jelilerden, BAQ-tan estip júrdim. Bul jobanyń erekshe ekeni anyq. Menińshe, Prezı­denttiń kadrlyq rezervi memlekettik basqarý júıesin jańa deńgeıge shyǵaryp, serpin beretin bastama. О́z isin biletin, tájirıbeli jas­tar esh­qashan artyq bolmaıdy. Son­dyqtan bul bastamada ózimdi synap kórýge bel býdym. Qaı salada bolsyn jańa kózqaras, jańa lep qajet. 

Joǵaryda aıtyp ótkenimdeı, bul – tyń bastama. Irikteýdiń birne­she kezeńinen ótkennen keıin ózime kóńilim tola bastady. О́ıtkeni irikteý kezeńi ońaı bolǵan joq. Tipti kóptiń synyna ilikken testileýdiń  ózi arnaıy daıyndyqty qajet etti. Prezıdenttiń bastamasymen qurylǵan topqa ótý, onyń múshe­si bolý – úlken jaýapkershilik. Mem­leket basshysynyń ózi de rezerv­shilermen kezdeskende aıryqsha senimin bildirdi. Ekinshi jaǵynan qara­saq, kadrlyq rezerv – múmkindik, áleý­mettik lıft. Rezervshiler qatarynda buǵan deıin ustazdyq etken, jeke kásippen aınalysqan azamattar bar. Barlyǵymyz be­ril­gen múmkindikti paıdalanyp, ózimizdi jaqsy qy­rymyzdan kór­setip, bilikti maman ekenimizdi dá­lel­dep, el kelesheginiń kemel bolýyna úles qosa alamyz. Baǵ­dar­lamaǵa qatysýshylardyń biri merıtokratııalyq jolmen qyz­mette ósemin dese, endi biri ja­ńa bilim izdep keldi. О́ıtkeni rezerv­shiler Memlekettik basqarý aka­demııasyndaǵy dáristerge qatysa alady.

Rezerv músheleriniń árqaısysy bilikti, bilimdi azamattar. Bárinen buryn olardyń minezine toqtalǵym keledi. Ult kósemi Álıhan Bókeıhan «Elge qyzmet etý bilimnen emes, minezden» degendeı, rezervshilerdiń boıynan parasat, namys kóre aldym. Osyndaı azamattardyń arasynda, qatarynda bolýdyń ózi men úshin mártebe.

– Kadrlyq rezervtiń bolashaǵy týraly ne aıtasyz? Sizdińshe joba jalǵasyn taba ma?

– Eń aldymen, bul bastamany durys túsinýimiz kerek. Kóbi kadrlyq rezervti jastardy joǵary laýazymdarǵa taǵaıyndaý dep uǵady. Ol tek jastardyń baǵyn synaýǵa berilgen jol, múmkindik. Al ony kimniń qalaı paıdalanary óz qolynda. Rezervti shyn máninde rýhy bıik, patrıot jastardyń toby der edim.

Memlekettik organdarda bilimdi, jalyndy jastar az emes. Bul jol­daǵy jastarǵa júktelgen mindet – eski júıege serpin berý, jańalyq ákelý. Ýaqyttyń ótip, zamannyń ózge­retinin aıtyp jańalyq ashpa­sym anyq. Degenmen bul qaı iske bolsyn jańasha kózqarastyń qajet eke­nin eske salady. Kadrlyq rezerv – sabaqtastyqtyń joly. Úlken maq­sattar qoıa alatyn armanshyl jas­tarǵa osy salanyń jiligin shaqqan maıtalmandarynan úırene otyryp, óz ıdeıalaryn usynýǵa berilgen múm­kindik.

Sondyqtan, meniń oıymsha, joba jal­ǵasyn taýyp, osy iriktelgen 300 jaspen shektelmeıdi. Bylaı qarasańyz, serpin qaı salaǵa da qajet. Mádenıet, sport, ekonomıka salasy da jańǵyrýdy qajet etedi.

– Búgingi qyzmetińizde qandaı mindetterge jaýaptysyz? Zań shy­ǵa­rýshy organǵa qandaı jańa lep ákel­mekke nıettisiz?

– Parlament Senatynyń eń negiz­gi maqsaty – Prezıdent Qasym-Jo­mart Toqaevtyń Joldaýynyń iske asýy úshin sapaly zańdarmen qam­tamasyz etý. Eldegi ózekti máse­lelerdi sheshý jolynda Senat apparaty da, depýtattyq korpýs ta bir­lesip jumys istep jatyr.

Qazir azamattar kóp máseleni áleýmettik jelilerde ashyq aıtyp, nazar aýdartyp júr. Saıasatkerler men sarapshylar da birqatar prob­lemanyń basyn ashýda. Bul buryn bolmaǵan úrdis. Endigi kezekte ha­lyq­pen tyǵyz baılanys ornatyp, olarmen baılanysqa shyǵýdy maqsat etip otyrmyz.

Qazirgi qyzmetimde BAQ-pen baılanys, halyqaralyq qatynas pen aqparattyq taldaýǵa jaýaptymyn. Senat jumysynyń BAQ-ta jarııalanýy, Senat Spıkeriniń elshilermen kezdesýleri mindetime kiredi. Zań qabyldaý – kúrdeli prosess. Bul rette Palatalar basshylaryna, depý­tattarǵa sapaly analıtıka kerek. Sol sebepti elde talqylanyp jat­qan máselelerdi zerttep, oǵan qatysty derekter daıyndaý kerek. Onymen qosa Senat Tóraǵasy Máýlen Áshimbaev – Álemdik já­ne dástúrli dinder lıderleri Sezi Hatshylyǵynyń basshysy. Sondyqtan sezd jumysyna qatys­ty máseleler boıynsha da jumys is­teımiz.

– Prezıdenttik rezervtiń múshe­leri bir-birimen baılanysta ma? Jobaǵa qatysqan azamattar birin- biri qoldap turatyn shyǵar?

– Rezervshilermen kezdesip turamyz. Bizdiń kezdesýlerge Pre­zı­denttiń kómekshisi Erlan Qarın kelip turady. Biz eldegi problemalardy talqylap qana qoımaı, ony sheshý joldaryn ortaǵa salamyz. Mem­lekettik organ basshylaryna usy­nystarymyzdy jetkizemiz. Bul format áli de jalǵasyn tabady degen oıdamyn. Árıne, ár júıede sheshilmegen máseleniń bolatyny sózsiz. Adamdardyń eki túri bar dep esepteımin. Biri problemalardy qabyldap, eshteńe ózgermeıdi dep uıǵarsa, ekinshi top problema anyqtalǵan boıda sheshý joldaryn izdeıdi. Meniń paıymymsha, rezervtegi azamattar ekinshi toptan. 

BAQ-ta rezervshilerdiń jaqsy qyz­metterge taǵaıyndalǵany týra­ly jıi jazylyp júr. Biri Prezı­dent Ákimshiliginde, biri túr­li mınıstr­likterge, biri úlken kompanııalarǵa qyz­metke ornalasqan. Menińshe, bul – endi ósip kele jatqan urpaqqa motıvasııa. Jastardy elge paıdaly bolýǵa yntalandyrady, basqarý júıesine jańalyq alyp kelýdiń múmkin ekenine dálel dep esepteımin.  Mundaı bastamalar mindetti túrde jalǵasyn tabýy kerek.

– Áńgimeńizge rahmet.

 

Áńgimelesken

Svetlana ǴALYMJANQYZY,

«Egemen Qazaqstan»

 

Sońǵy jańalyqtar

Uqsas jańalyqtar