Osy ýaqytqa deıin telearnalarda shetel kınolary basymdyqqa ıe bolyp kele jatqany anyq. Telearnalar bir-birimen jarysyp, ásirese, túrik pen koreı telehıkaıalaryn kórermenge usynyp kelgen bolatyn.
Solardyń biri – «Qazaqstan» Ulttyq telearnasy da 2006 jyldan bastap túrik pen koreı týyndylaryn kórsetip kelse, endi osy qarasha aıynyń 11 juldyzynan bastap, ulttyq telearna sheteldik telehıkaıalardyń qomaqty bóligin azaıtyp, otandyq telehıkaıalardyń sanyn arttyrýdy kózdep otyr.
Osy ýaqytqa deıin telearnalarda shetel kınolary basymdyqqa ıe bolyp kele jatqany anyq. Telearnalar bir-birimen jarysyp, ásirese, túrik pen koreı telehıkaıalaryn kórermenge usynyp kelgen bolatyn.
Solardyń biri – «Qazaqstan» Ulttyq telearnasy da 2006 jyldan bastap túrik pen koreı týyndylaryn kórsetip kelse, endi osy qarasha aıynyń 11 juldyzynan bastap, ulttyq telearna sheteldik telehıkaıalardyń qomaqty bóligin azaıtyp, otandyq telehıkaıalardyń sanyn arttyrýdy kózdep otyr.Bul týraly «Qazaqstan» Ulttyq telearna basshylary arnaıy ótkizgen brıfıngte málim etildi. Olardyń aıtýynsha, 2009 jyly ulttyq telearna tuńǵysh otandyq ónim – «Aǵaıyndy» telehıkaıasyn kórsetse, sońǵy jeti jyl ishinde telearnanyń ishki ónimderiniń sany da, sapasy da úzdiksiz artyp, otandyq telehıkaıalardyń qomaqty qory qalyptasypty. Máselen, 2010 jyly 84 bólikten turatyn eki serııaly kınotýyndy kórsetilse, al 2011 jyly ol jeti serıal bolyp, 2012 jyly bul kórsetkishti eki esege arttyryp, 14 serıal kórermenge jol tartqan.
Al bıylǵy jyly usynylǵan «Týǵan eldiń tútini», «Uljan», «Paryz», «Kók tarlandary», «О́mir ótkelderi» jáne taǵy basqa da telehıkaıalardy kórermender jyly qabyldap, ulttyq arnanyń arnaıy tapsyrysymen túsirilgen telehıkaıalardyń reıtıngi 2011 jyldan bastap turaqty túrde ósip keledi. Tolyqtaı qazaq tilinde habar taratýǵa kóshken «Qazaqstan» Ulttyq telearnasynyń 100 myńnan astam turǵyndary bar eldi mekender arasynda kórsetilimi 55 paıyzǵa, al ortasha táýliktik úles kórsetkishi men reıtıngisi 47 paıyzǵa ósse, onyń ósýine otandyq telehıkaıalardyń qosqan úlesi qomaqty kórinedi.
Bıylǵy jyly 12 jańa baǵdarlamany óndiriske engizgen telearna aldaǵy jyly shetel kınolaryn 65 paıyzǵa qysqartyp, odan únemdelgen mol qarajat otandyq ónim men basqa da baǵdarlamalardy túzýge múmkindik beredi eken.
Berik SADYR,
«Egemen Qazaqstan».
Sýretti túsirgen Erlan OMAROV.
