Atalǵan ortalyq uıymdastyrǵan sheberlik klass sheńberinde ınstıtýttyń jetekshi kardıologtary men ıntervensııalyq kardıohırýrgtary Túrkııadan kelgen doktor, professor Ertuǵryl Okýıanmen birlesip, júrektiń júre paıda bolǵan kemistigi – aorta qaqpaqshasynyń stenozy bar pasıentterge endovaskýlıarlyq aortalyq qaqpaqshany ımplanttaý boıynsha 2 operasııa jasady.
Rentgenendovaskýlıarlyq operasııa jasaý blogynyń meńgerýshisi Alekseı Kolesnıkovtyń aıtýynsha, aorta qaqpaqshasynyń stenozy qannyń sol jaq qarynshadan qalypty aǵýyna kedergi bolatyn aorta qaqpaqshasy sańylaýynyń tarylýymen sıpattalatyn kúrdeli aýrý. Alekseı Evgenevıch, bul patologııaǵa, ádette, egde jastaǵy adamdar shaldyǵady, deıdi. Olar úshin bir ǵana jol bar, ol – operasııa jasaý. Osyndaı pasıentterdiń 30%-dan 40%-ǵa deıini jalpy narkozben, keýde qýysyn ashý, aǵzany jasandy qanaınalymǵa aýystyrý sekildi jasalatyn ádettegi operasııany kótere almaıdy. Operasııadan keıingi kezeń de aýyr bolady. Aortalyq qaqpaqshany ımplanttaý osyndaı qaýipterdiń barlyǵyn azaıtady jáne ol, tipti ashyq júrekke operasııa jasaýǵa qarsy kórsetilimi bar 75 jastan joǵary aýyr aortalyq stenozyna shaldyqqan adamdarǵa da keledi.
Sonymen qatar operasııa az ınvazıvti ádispen jasalady jáne onyń oń nátıjeleriniń paıyzy óte joǵary – 95-ten 100-ge deıin. Operasııa jasalǵannan keıin naýqastyń kúıiniń meılinshe jaqsarǵany baıqalady. Keýde qýysyndaǵy aýyrý sezimi, talyp qalý jáne demigý sekildi belgiler tolyǵymen joıylyp ketedi.
Osyndaı operasııalardy jasaý pasıentterge kórsetiletin medısınalyq kómektiń sapasyn arttyrýǵa, respýblıkada aldyńǵy qatarly medısınalyq tehnologııalar men ınnovasııalardyń damýy men qoldanylýyna, kardıohırýrgııada operatıvtik aralasýlardyń tehnıkasyn meńgerýge jaǵdaı jasap, mamandardyń kásibı biliktiligin jańa deńgeıge kóterýge múmkindik beretindigin aıta ketken jón.
Aorta qaqpaqshasyn transkateterlik ımplanttaý (TAVI)– aorta qaqpaqshasyn jasandy bıologııalyq aýystyrýdyń az ınvazıvti zamanaýı tásili. Júrek biraz ýaqyt qanaınalymnyń buzylysyn teńgerte alady. Alaıda erte me, kesh pe: stenokardııa sındromy, talyp qalý, júrektiń qatty soǵýy, demigý paıda bolady. Dári-dármek arqyly pasıenttiń jaǵdaıyn azdap qana jeńildetýge bolǵanymen, ony túgelimen ózgertý múmkin emes. Aorta kemistigin emdeýdiń tıimdi tásili – qaqpaqshany protezben almastyrý. Jetkizý júıesi alynyp tastalady, qaqpaqsha óz qyzmetin bastaıdy. Operasııa shamamen 90 mınýt jasalady.
Professor Ertuǵryl Okýıan – Medısına ǵylymdary ýnıversıtetiniń kardıologııa kafedrasynyń meńgerýshisi, Stambýl qalasyndaǵy Bağcılar kardıologııa oqý-zertteý klınıkasy, Túrik kardıologtary qoǵamy basqarmasynyń múshesi, Eýropalyq kardıologtar qoǵamynyń, Eýropalyq ateroskleroz qoǵamynyń, Amerıkalyq júrek qaýymdastyǵynyń, amerıkalyq gıpertonııa qoǵamynyń múshesi, Júrek-qantamyr akademııalyq qoǵamynyń vıse-prezıdenti. Onyń 100-den astam eńbegi resenzııalanatyn halyqaralyq jáne otandyq jýrnaldarda jarııalanǵan.
