Varshavada Qazaq-polıak yntymaqtastyǵy men damý keńesiniń aıasynda EKSPO-2017 jobasynyń tusaýkeseri ótti
Polshaǵa jasaǵan saparynyń aıasynda Syrtqy ister mınıstriniń birinshi orynbasary, EKSPO komıssary Rápil Joshybaev Qazaq-polıak yntymaqtastyǵy men damý keńesiniń III otyrysyna qatysty jáne onyń sheńberinde Astanadaǵy jahandyq kórme jobasy boıynsha arnaıy tusaýkeser ótkizip, polıak kompanııalaryn oǵan belsendi atsalysýǵa shaqyrdy.
Varshavada Qazaq-polıak yntymaqtastyǵy men damý keńesiniń aıasynda EKSPO-2017 jobasynyń tusaýkeseri ótti
Polshaǵa jasaǵan saparynyń aıasynda Syrtqy ister mınıstriniń birinshi orynbasary, EKSPO komıssary Rápil Joshybaev Qazaq-polıak yntymaqtastyǵy men damý keńesiniń III otyrysyna qatysty jáne onyń sheńberinde Astanadaǵy jahandyq kórme jobasy boıynsha arnaıy tusaýkeser ótkizip, polıak kompanııalaryn oǵan belsendi atsalysýǵa shaqyrdy.
Qazaqstannyń Varshavadaǵy elshiliginiń bastamasymen qurylǵan Keńes eki jaqtan yntymaqtastyqty damytýǵa múddeli bıznesmender men saıasatkerlerdi biriktiredi. «Osyndaı is-sharalardy ótkizý eki el arasynda ózara tıimdi iskerlik baılanystardyń keńeıýine qolaıly jaǵdaı týǵyzyp, iskerlik yntymaqtastyǵymyzdyń keleshekke baǵyttalǵan «jol kartasyn» ázirleýge jol ashatynyna senimdimin», dedi Keńes otyrysynyń ashylýynda R.Joshybaev.
Is-sharaǵa qatysýshylar eki jaqtyń memlekettik organdary men iskerlik qaýymdastyqtarynyń qatysýymen seriktestik baılanystardy nyǵaıtý joldary boıynsha pikir almasty. Osy oraıda, erekshe nazar óńiraralyq yntymaqtastyqty damytý jobalaryna aýdarylyp, al 2014 jyly Qazaqstan-Polsha óńirler forýmyn uıymdastyrý oǵan erekshe demeý bola alady degen pikirler aıtyldy.
Polıak ınvestısııalaryn tartýǵa jaǵdaı jasaý maqsatynda Keńes jumysyna qatysqan Batys Qazaqstan, Qostanaı jáne Qaraǵandy oblystary ákimderiniń orynbasarlary polshalyq áriptesterin jáne bıznes ókilderin óz óńirleriniń ekonomıkalyq áleýetimen tanystyrdy. «Iskerlik qaýymdastyqtarymyzdyń birlesken jumysy Qazaqstan men Polsha arasyndaǵy ózara tıimdi ınvestısııalyq-tehnologııalyq yntymaqtastyqtyń keńeıýi men áriptestik tuǵyrnamasynyń qalyptasýyna negiz qalaıdy», dedi osy oraıda Qazaqstannyń Polshadaǵy Tótenshe jáne ókiletti elshisi Erik О́tembaev.
Keńes sheńberinde qazaqstandyq rynokta farmasevtıka, «jasyl» tehnologııalar, mashına jasaý, qurylys materıaldaryn óndirý salalarynda jumys isteıtin polıak fırmalary jobalarynyń tusaýkeserleri uıymdastyryldy. Sonymen birge, Keńes májilisinde jınalǵandardyń nazaryna Astanadaǵy EKSPO-2017 kórmesine daıyndyq baǵdarlamasy usynyldy. Tusaýkeser qorytyndysynda polıak kompanııalary aldaǵy is-sharaǵa úlken qyzyǵýshylyq tanytty.
EKSPO taqyryby, sondaı-aq, R.Joshybaevtyń Polsha Respýblıkasynyń Sport jáne týrızm mınıstri Ioanna Mýchamen bolǵan kezdesý barysynda da talqylandy.
Sonymen qatar, Polsha astanasynda R.Joshybaev Varshava qalasynyń Daǵdarystyq basqarý ortalyǵynyń jumysymen tanysyp, atalǵan sıpattaǵy qurylymdardyń EKSPO sııaqty úlken is-sharalar kezinde qaýipsizdikti qamtamasyz etý úshin erekshe ózekti ekendigin atap ótti.
Sáýlebek BIRJAN.
