"Sıfrlandyrý dáýirinde komıssııa quramynda birneshe myń adamnyń bolýyn qamtamasyz etý úshin 1,5 mıllıard teńge jumsaýǵa jol berilmeýi kerek, onyń ústine bunyń nátıjesi – tıimsiz. Sondyqtan bul rásim zamanaýı proktorıng pen beınebaqylaý júıesi qamtamasyz etilgen elektrondy formatqa ótedi. Suraqtardyń mazmuny áli de kóńilimizden shyqpaıdy. Sońǵy birneshe jylda testileý suraqtarynyń bazasyn jańartý boıynsha jumys júrgizilgendigine qaramastan, suraqtardyń basym bóligi áli de qajetsiz faktilerdi jattap, este saqtaýǵa baǵyttalǵan", deıdi mınıstr.
Mınıstrdiń aıtýynsha, birinshi orynǵa synı oılaý men fýnksıonaldyq saýattylyqty qoımasa, jattandy aqparatty avtomatty túrde aıtý arqyly oqý prosesiniń mańyzdylyǵy joǵalady. Fýnksıonaldyq saýattylyqqa mán berý jáne bilimdi ómirde qoldanatyn kez keldi. Endi, aldymyzda testiń bazasyn SAT, PISA sekildi testerdiń úlgisi boıynsha tolyq jańartý máselesi turǵandyǵyn atap ketti.
"Bul múldem basqa sıpattaǵy tapsyrmalar, ıaǵnı teste jattap alýǵa, kóshirýge múmkindik bermeıtin suraqtar bolýy kerek. UBT-ny mekteptegi qorytyndy emtıhanǵa jáne joǵary oqý ornyna túsý emtıhanyna bólgennen keıin qajetti quzyrettilikterdi baǵalaý tásilderin ózgertý boıynsha da múmkindik týdy. Sebebi UBT mektepte alǵan bilimin baǵalaý emes, joǵary oqý ornyna túserde ózi tańdaǵan mamandyǵy boıynsha bilim alýǵa degen daıyndyǵyn baǵalaý. Saýatty ári túsinikti suraqtar", deıdi Ashat Aımaǵambetov.
Bilim jáne ǵylym mınıstri atalǵan sharanyń barlyǵy aldyn ala ǵylymı derekterdiń negizinde sarapshylar men pedagogterdiń talqylaýy arqyly qabyldanatynyn jetkizdi.
