Búkil álemde 2018 jyly 100 myń turǵynǵa shaqqanda 2,8-di (Globocan) quraǵan patologııanyń osy tobymen aýyrýdyń udaıy ósýi baıqalady, Qazaqstan boıynsha 100 myń turǵynǵa shaqqanda 4,4 syrqattanýshylyq deńgeıi belgilengen. Sonymen qatar mamandar qazirgi tehnologııalar lımfomamen aýyratyn naýqastardyń ómir súrý sapasyn aıtarlyqtaı jaqsartýǵa nemese tolyǵymen emdeýge múmkindik beretinin atap ótýde.
Jyl saıyn Qazaqstanda 35 myńǵa jýyq jańa qaterli isik jaǵdaıy tirkeledi. Búgingi tańda dıspanserlik esepte 180 myńǵa jýyq qazaqstandyq tur. Lımfoıdty jáne qan túzetin tinderdiń qaterli isikteri esepte turǵan onkologııalyq pasıentter jalpy sanynyń 4%-yna dıagnoz retinde qoıylady. 2018 jyly gemoblastozdardyń 1991 jaǵdaıy jáne osy patologııadan ólimniń 664 jaǵdaıy tirkeldi. 2018 jyly syrqattaný 100 000 turǵynǵa 8,1 adamdy, al ólim-jitim 100 000 turǵynǵa 3,6 adamdy qurady.
Lımfomalar – bul aǵzanyń lımfa júıesi qaterli isiginiń túri. Bul jaǵdaıda onkologııa lımfa tininiń jasýshalarynda damıdy, al qaterli isik prosesiniń taralýy qan aǵymymen de, metastazdarmen de júredi. Barlyq lımfomalar Hodjkın lımfomasy jáne hodjkındik emes lımfomalar bolyp bólinedi.
О́kinishke qaraı, lımfomalardan bolatyn ólim deńgeıi áli de joǵary. Degenmen, búgingi kúni zamanaýı onkolog-dárigerler lımfoma aldynda dármensiz emes, al bul aýrýdy buryndary emdelmeıtin syrqattardyń qataryna qosqan. Sońǵy jyldary syrqatty tolyǵymen jeńýge nemese turaqty remıssııaǵa qol jetkizýge arnalǵan ádister ázirlendi.
"Lımfomalardy emdeýde ýaqytyly jáne durys dıfferensıaldy dıagnostıka óte mańyzdy ról atqarady. Shynynda da, V-kletkalyq hodjkındik emes lımfomalardyń shamamen 25 túri bar. Zamanaýı zerthanalyq jabdyqtarsyz jáne jańa bıotehnologııasyz durys dıagnoz qoıý óte qıyn. Ýaqytyly anyqtaý jáne sapaly terapııa kezinde lımfomany 80% jaǵdaıda emdeýge bolady, al qazirgi tehnologııalar lımfomamen aýyratyn naýqastardy tolyq emdeýge nemese olardyń ómir súrý sapasyn edáýir jaqsartýǵa múmkindik beredi", - dep atap ótti QazORǴZI súıek kemigin transplantasııalaýmen gematologııa ortalyǵynyń basshysy Sáýle Ǵabbasova.
Qazirgi ýaqytta Qazaqstanda jetekshi onkologııalyq qaýymdastyqtardyń halyqaralyq hattamalaryna sáıkes lımfomalardy emdeýdiń qazirgi zamanǵy túrleri júrgizilýde: targettik terapııa jáne gendik ınjenerııa ádistemeleri, hımıoterapııa, onyń ishinde joǵary dozaly túri belsendi qoldanylady. Barlyq hımıoterapııalyq jáne targettik preparattar tegin medısınalyq kómektiń kepildik berilgen kólemi (TMKKK) sheńberinde qamtamasyz etiledi. 2010 jyldan bastap kórsetilimder bolǵan jaǵdaıda súıek kemigin transplanttaý júrgiziledi. Lımfomanyń PET-KT dıagnostıkasy engizildi, ol aýrýdyń satysy men taralýyn dál anyqtaýǵa, sáýlelik nemese hımıoterapııanyń ońtaıly kýrsyn taǵaıyndaýǵa, emdeý tıimdiligin baqylaýǵa jáne negizsiz operasııalardy boldyrmaýǵa kómektesedi.
