Sınoptıkterdiń málimetinshe, respýblıkanyń keı jerinde ekpindi jel, daýyl, burshaq boljanady. Túnde jáne tańǵy ýaqytta elimizdiń soltústik-batysynda jáne qıyr soltústiginde tuman kútiledi. Qazaqstannyń ońtústik-batysynda ǵana jaýyn-shashynsyz kún raıy saqtalady.
Atap aıtqanda, Qostanaı oblysynyń keı jerinde tuman, daýyl, burshaq kútiledi, jeldiń ekpini kúndiz 25 m/s kúsheıedi.
Aqmola, Soltústik Qazaqstan oblystarynda tańerteń jáne kúndiz keı jerde daýyl turyp, jeldiń kúshi 25 m/s deıin artýy múmkin, Burshaq jaýýy yqtımal. Soltústik Qazaqstan oblysynda túnde jáne tańerteń tuman kútiledi.
Qaraǵandy oblysynyń keı jerinde daýyl, burshaq, kúshi kúndiz 23 m/s deıin jetetin jel boljanady.
Aqtóbe oblysynyń keı jerinde daýyl turyp, jel 15-20 m/s kúsheıedi.
Qyzylorda oblysynda kúndiz jel 15-20, keı jerlerde 23 m/s kúsheıedi, keı jerde shańdy daýyl kútiledi.
Kúndiz Almaty, Túrkistan, Atyraý, Batys Qazaqstan, Shyǵys Qazaqstan oblystarynyń keı jerinde, Pavlodar oblysynyń batysynda jel 15-20 m/s artady.
Jambyl oblysynyń taýly aýdandarynda tańerteń jáne kúndiz daýyl kútiledi, burshaq jaýýy yqtımal, kúndiz keı jerlerde jel 15-20 m/s kúsheıedi.
Qyzylorda oblysynyń basym bóliginde, Qaraǵandy, Túrkistan oblystarynyń keı jerinde, Atyraý oblysynyń ońtústiginde, Almaty oblysynyń batysynda tótenshe órt qaýpi saqtalady.
