Qoǵam • 15 Qyrkúıek, 2020

Almatynyń Qoǵamdyq densaýlyq saqtaý basqarmasy tumaýǵa qarsy vaksınany alýǵa beı-jaı qaramaýǵa shaqyrady

23 ret kórsetildi

Búgin Almatyda tumaý jáne JRVI sııaqty maýsymdyq aýrýlarǵa qarsy halyqqa vaksınasııa egý bastaldy, dep habarlaıdy Egemen.kz.

Almaty qalasynyń Qoǵamdyq densaýlyq saqtaý Basqarmasynyń basshysy Kamaljan Nadyrov maýsymdyq aýrýlardyń koronavırýs ınfeksııasyna qabattasý qaýpine baılanysty vaksınasınany pandemııa kezinde alýdyń erekshe mańyzdylyǵyn atap ótti.

"Bıyl biz vaksına saldyrýǵa jaýapkershilikpen kelip otyrmyz, sebebi koronavırýs pandemııasy kezinde aýrýlar qabattasyp ketýi múmkin. Osy jaǵdaıdy eskere otyryp, almatylyqtardy áriptesterimniń vaksına alýǵa shaqyrýyna beı-jaı qaramaýlaryn, sol arqyly pandemııa jáne maýsymdyq aýrýlar órshigen ýaqytta tumaýmen aýyrýdy báseńdetýge shaqyramyn. Satyp alynǵan vaksına  burynnan jaqsy tanylǵan jáne halyqqa birinshi jyl egilip jatqan joq", — dep atap ótti Kamaljan Nadyrov.

Esterińizge sala keteıik, jergilikti bıýdjet qarajatyna qaýip tobyndaǵy adamdarǵa tegin vaksına egý úshin Reseıden 130 myń doza kólemindegi úshvalentti tumaýǵa qarsy "Grıppol Plıýs" vaksınasy satyp alyndy. 2020 jyldyń qazaq aıynda koronavırýs ınfeksııasy pandemııasyn eskere otyryp, qosymsha 300 myń doza jetkiziledi dep kútilýde.

Atap ótetin jaıt, bıylǵy jyly Almatyda vaksınasııa pandemııaǵa baılanysty jyl saıynǵy maýsymynan erte bastaldy jáne osy jyldyń jeltoqsanyna deıin jalǵasady.

Sońǵy jańalyqtar

Saqtansań – saý bolarsyń

Aımaqtar • Keshe

Sırk - álem nazarynda

Qazaqstan • Keshe

Uqsas jańalyqtar