Aımaqtar • 15 Qyrkúıek, 2020

Almatylyqtar emhana aýystyra alady

12 ret kórsetildi

15 qyrkúıekten bastap Qazaqstanda alǵashqy medısına-sanıtarlyq kómek kórsetý uıymyn erkin tańdaý boıynsha tirkeý naýqany bastaldy. Oǵan eki aıdyń ishinde 15 qarashaǵa deıin tirkelýge bolady. Bul týraly "Áleýmettik medısınalyq saqtandyrý qory" KEAQ Almaty qalalyq fılıaly habarlady.

Fılıal ókilderiniń aıtýynsha, búginde Almaty qalasy boıynsha AMSK 74 uıymy Qormen kelisimsharty bar jáne medısınalyq saqtandyrý paketi jáne kepildendirilgen tegin medısınalyq kómek aıasynda medısınalyq qyzmet kórsetedi.

«Azamattar úshin tıimdisi, tirkeý naýqany kezinde pasıentter Qormen kelisimsharty bar memlekettik ári jekemenshik medısınalyq uıymdarǵa tirkele alady. Bul pasıent turaqty negizde qaralyp turǵysy keletin medısınalyq uıymdy tańdaýdyń tamasha múmkindigi», — dedi fılıal dırektory Tileýhan Ábildaev.

Atap ótetin jaıt, naýqan kezinde AMSK uıymyna tirkelý arqyly azamattar medısınalyq kómekti tirkelgen jerinen 2021 jyldyń 1 qańtarynan bastap ala bastaıdy.

Emhanaǵa tirkelý birneshe ádistermen júzege asyrylady. Birinshisi — emhananyń tirkeý bólimine baryp, jeke basyn kýálandyratyn qujattardy kórsetip, óz qolymen ótinish jazý kerek. Bul tásil myna sanattaǵy adamdar úshin qoljetimdi:
- zeınetkerler men múgedekterge;
- stýdentterge;
- balalardyń zańdy ókilderi men balalyq shaqtan múgedek turǵyndardyń  qamqorshylary;
- shetelde týǵan balalar;
- túrmede jazasyn ótep jatqandar (sol jerdegi emdeý mekemesine);
- áskerı boryshyn ótep jatqandar;
- bóbekter, balalar men qarttar úıleriniń turǵyndary;
- resmı senimhat arqyly tirkeletinder.

Ekinshiden — eGov.kz. portalynyń jeke kabıneti arqyly ótinish berý. Bul ádis barlyq azamattar úshin qoljetimdi. Ol úshin elektrondy sıfrlyq qoltańba men kabınetke kirý úshin bir rettik qupııasóz kerek.

Tirkeý naýqany densaýlyq saqtaý sýbektileriniń derekter bazasyna tirkelgen jáne MÁMS jáne TMKKK usyna alatyn medısınalyq uıymdar arasynda ǵana júrgiziletinin atap ótkimiz keledi.

Tirkelýge bolatyn emhanalar tizimimen  fms.kz saıtynda «Emhanany tańdaý» bóliminde tanysyp, tirkeý týraly tolyq aqparatty 1406 nómirindegi baılanys-ortylyǵynan bilýge bolady.

Sońǵy jańalyqtar

Namysyn tý etken

Rýhanııat • Keshe

Koronavırýstan qalaı qorǵanamyz?

Koronavırýs • Keshe

Uqsas jańalyqtar