Polıseıler birneshe kún buryn mola mańynda kózge túsken 10-12 jasar úsh jasóspirimdi anyqtady. Kúdiktiler ózderiniń atalǵan faktige qatystylyǵyn moıyndady. Balalardyń sanasyna ólgen adamdarǵa degen qurmettiń egilmegendigi, zırat, mola mańyna barǵanda júrekte ómirden erte ketkenderge, týystaryna degen aıanysh, ókinish sezimi bolýy kerektigi aıtylmaǵandyǵy osydan kórinip tur. Erikken balalar basqa ermek tappaı ózderine qarsylyq kórsete almaıtyn molany talqandaǵany sol. Bul máseleni polısııa ǵana emes jergilikti oqý bólimi de talqylap, oqýshylardyń sanasyna mola mańynyń tynyshtyǵyn buzbaý týraly tárbıelik saǵattar ótkizgeni durys-aq.
"Sotqa deıingi tergep-tekserý sheńberinde qosymsha tergeý áreketteri júrgizilýde, atalǵan amaldar aıaqtalǵan soń túpkilikti prosessýaldyq sheshim qabyldanatyn bolady. Qaıtys bolǵan adamdar jerlengen jerlerdi qorlaý faktisi sotqa deıingi tergep-tekserýdiń biryńǵaı tizilimine engizildi", - dedi Aıyrtaý aýdany PB bastyǵy Abylǵazy Ǵabdýllın.
