Digital transformasııa: Qajettilik pe, trend pe?

Búgingi tańda biz digital transformasııa týraly kóbirek estımiz (nemese sıfrlyq transformasııa), biraq onyń ne ekenin jáne qalaı paıdalaný kerektigin adamdardyń kópshiligi bile bermeıdi. Anyqtaýǵa tyrysatyn bolsaq, Digital transformasııa – bul satyp alýlardy avtomattandyrýdan bastap marketıng pen satýǵa deıingi kásiporyn fýnksııalarynyń búkil jıyntyǵyna áser etetin keń aýqymdy transformasııa. Bul sıfr­ly tehnologııalarǵa negizdelgen jáne tutynýshylardyń suranysynyń ózgerýi, tehnologııanyń damýy jáne básekelestiktiń kúsheıýi sekildi úsh negizgi draıverlerdiń áserinen júredi. Kásiporynnyń jumys modeliniń de, ınfraqurylymynyń da ózgerýine tikeleı áser etedi. Búgingi kúni san­dyq tehnologııalardyń yqpalyna túspeıtin birde-bir kompanııa qalǵan joq. Tranzaksııalardyń kóp bóligi onlaın rejimde júzege asyrylady: nesıe alýǵa ótinish berý, ınternet-dúkennen taýar satyp alý, zańgerden keńes alý nemese esepshottaǵy derekterdi qaraý. 2020 jylǵy Covid-19-ǵa qarsy tótenshe jaǵ­daı kezeńi bul arnaǵa serpin bergendeı boldy.

Digital transformasııa týraly endi aıtyla bastaǵanymen, ol bizdiń aınalamyzda kóp ýaqyttan beri iske asýda. Transformasııanyń mysaldaryna keler bolsaq: Gazet ornyn áleýmettik jeli, qaǵaz kitaptar ornyn eBooks, dástúrli dúken ornyn onlaın dúken, taksı dıspetcheri ornyn Uber, kassadaǵy uzaq kezek ornyn onlaın bıletter basqanyn aı­tamyz. 10 jyl buryn barlyǵy óz kam­panııalary úshin veb saıttar qalap, olardy belsendi túrde damy­typ otyrdy. Sodan keıin saıttar ke­zeńinen barlyǵy jarnamalyq kam­panııalarǵa kóshti – jarqyn logo men shyǵarmashylyq. Qazir barlyǵy Internet-tehnologııalardy qoldana otyryp, bıznesti jańartqysy, jańa qyzmet túrlerin usynǵysy keledi.

Digital transformasııanyń qandaı nysandary bar ekenin qarastyraıyq. Halyqaralyq ǵylymı-praktıkalyq konferensııa materıaldaryna súıener bolsaq, Digital transformasııa úsh nysanǵa bólinip qarastyrylady.

Adamdar: tutynýshylar birlesip jumys isteý nemese maqsattar men min­detterge jetý úshin tehnologııalardy kóbirek qoldana bastady. Mysaly, ónim jasap shyǵarý, kraýdfandıng arqyly jobalarǵa qarajat jınaý, áleýmettik jelilerdi, blogtardy, forýmdardy jáne basqalaryn paıdalana otyryp erikti túrde ózderine kerek mamandardy tabý.

Prosester: basqarý modeliniń tıim­diligin sapaly arttyra alatyn jańa tehnologııalyq quraldarǵa kóshý júrýde. Buǵan bultty qoımany jáne qosymshalardy paıdalaný, jasandy ıntellekt engizý jáne basqalary jatady.

О́nimder – sátti digital transfor­masııanyń nátıjesi bolyp tabyla­tyn jańa ónimder paıda bolýda. My­saly, keńeıtilgen vırtýaldy shyn­dyq, 3D-prınterler, ashyq kody bar ónimder jáne t.b.

Bıznes-prosessi dástúrli qalpy­nan ózgermeıdi. Adamdar áli de qonaq­úılerde turady, kıim satyp alady, tek tásilderi ózgerdi: onlaın brondaý, onlaın tapsyrys berý.

Digital transformasııa naryq úshin qajettilik pe, trend pe? – degen suraqqa Softline kompanııasynyń damytý boıyn­sha dırektory «Barlyq jańa tehnologııalar: bultty jáne mobıldi tehnologııalar, úlken málimetter, zattar ınterneti, yntymaqtastyq tehno­logııa­lary, áleýmettik jeliler, chattar, jasandy ıntellekt, tozýǵa bolatyn qurylǵylar, drondar 3D basyp shyǵarý, ózdiginen basqarylatyn mashınalar qajettilik úshin týǵan tehnologııa túrleri. Eger mysal retinde alsaq – qazir orman órtterin qalaı baqylap otyrǵanymyzdy kóreıik. Tipti munyń birneshe joly bar: kameralar men tútin detektorlary, berilgen aýmaqty aınalyp ushatyn drondar nemese 3D basyp shyǵarý: endi zaýytta plıtalar nemese kirpishter shyǵýyn kútýdiń qajeti joq, jaı ónerkásiptik 3D prınterin paıdalanyp, ǵımaratty basyp shyǵarady. Mundaı eksperımentter qazirdiń ózinde júrgizilýde. Degenmen tehnologııa áli de ósýi kerek – ázirge onyń kó­me­gimen tek shaǵyn ǵımarattar salýǵa bo­lady», dedi.

Aldaǵy 5 jyldaǵy sandyq transformasııa bıznesti júrgizýdiń tıimdi komponenti bolýǵa ýáde beredi. Ol transformasııa sátti ótýi úshin digital transformasııanyń kelesi erejelerin saqtaý kerek:

1. Tez beıimdelý

Biz senimdi bola alatyn bir jaıt – tehnologııanyń odan ári ózgerýi men ósýi. Sondyqtan eger jetistikke jet­kińiz kelse, sizge naryqtyń qajetti­likterine tez beıimdelip, digital tehno­lo­gııalardy óz kompanııańyzdyń bola­shaǵy úshin belsendi qoldanýyńyz qajet. Digital transformasııa – bul brend­tiń tehnologııasy men korpo­ratıvti mádenıetiniń sımbıozy ekenin umytpańyz.

2. Tutynýshy birinshi orynda

Tutynýshynyń tájirıbesi kez-kelgen digital transformasııanyń maq­saty bolyp tabylady. Búgingi kúnniń tutynýshylary óte talapshyl jáne olar ózderiniń qajettilikteri men ıdeal­daryna sáıkes kelmeıtin brendtermen jumys isteýdi toqtatady.

Búgingi tańda klıentter úshin sizdiń brendińizben olar úshin yńǵaıly kez kelgen ýaqytta qarym-qatynas ja­saý múmkindigi óte mańyzdy jáne bul ózara árekettesý prosesi paıdalaný­shylar úshin jaǵymdy bolýy kerek. Analıtıka kómegimen siz ózińizdiń klıentterińizdiń kim ekenin, nemen aınalysatynyn, qandaı dúnıelerge mán beretinin anyqtaı alasyz jáne olardyń sizdiń brendpen ózara árekettesýin ońtaılandyrasyz.

3. Innovasııalyq áreketter

Siz básekege qabiletti bolǵyńyz kele me? Bul siz qoldanýdy jos­par­lap otyr­ǵan barlyq jańa tehnolo­gııalar múmkindiginshe tezirek zert­telip, engizilýi kerek degendi bil­diredi. Sizdiń kompanııa ıdeıa­dan is­ke asyrýǵa neǵurlym tez júrse, siz ózińiz úshin naryqty retteý úshin soǵurlym kóp múmkindik alasyz. Bir­neshe jyl buryn bankter ár­túrli jaǵdaılarda klıentterge kó­mektesetin keńes berýshilermen toly bolǵan edi. Qazir bankter «vırtýaldy kómekshilerdi» bel­sendi túrde engizýde – klıentterdiń suraqtaryna jaýap beretin bottar. Bul baı­lanys ortalyǵy qyzmetkerleriniń sanyn myń konsýltanttan júzge deıin qys­­qartady. Osyndaı qyzmetterdi qurý úlken qurylymdar úshin óte úl­ken ále­ýet­ti kóteredi jáne qyzmet­ker­ler­diń ja­la­qysynan qarjy únem­deıdi. Mundaı ın­vestısııalar qar­jylyq jaǵynan da, ýa­qyt shyǵyndary jaǵynan da ózin aqtaıdy.

Digital transformasııa formýlalyq ónim nemese bárine birdeı erejeler jıyn­­tyǵy emes. Bul brendtiń jeke erek­shelikterin eskere otyryp qu­rylǵan bızneske jańa kózqaras. N­aryq­taǵy básekege qabilettilik kom­pa­nııa­lardyń qanshalyqty ıkemdi jáne ózgerýge daıyn ekendigine baılanysty.

Digital transformasııa qoǵamnyń barlyq salasynyń aldynda turǵan qa­jet­tilik. Sol sebepti, aldaǵy ýa­qyt­­ta kez kelgen kompanııa kásipti avto­mat­tan­dyrýǵa,naryqta jańa deń­geıge jáne je­tekshi orynǵa shyǵýǵa kómek­tesetin digital jo­balardy iske asyrýǵa umty­lýy tıis.