Qoǵam • 16 Qyrkúıek, 2020

Kúz ben qysta saqtaný qajet

26 ret kórsetildi

О́ńirlik kommýnıkasııalar qyzmeti alańynda JRVI, tumaýdyń aldyn alý jáne 2020-2021 jyldardaǵy epıdemııalyq kezeńge daıyndyq barysymen tanystyrǵan Almaty qalasy taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy J.Bekshın 15 qyrkúıekten bastap almatylyqtarǵa tumaýǵa qarsy ekpe salýǵa baılanysty málimettermen bólisti.

Qaladaǵy epıdemııalyq ahýaldyń turaqty ekenin baıandaǵan J.Bekshın «О́tken aptadaǵy málimetter boıynsha qalada juqpaly respıratorly vırýstyq ınfeksııa juqtyrǵandar sany – 1219. Kórsetkish aldyńǵy aptamen salystyrǵanda 25 paıyzǵa tómen. Alaıda ótken jyldyń osy kezeńimen salystyrǵanda aýrý belgileri 21 paıyzǵa joǵary bolyp otyr. Vırýs juqtyrǵandardyń 62 paıyzyn balalar quraıdy», dep atap ótti. 

Dúnıejúzilik densaýlyq saqtaý uıymynyń boljamy boıynsha aldaǵy kúz-qys maýsymynda tumaýdyń eki A tıpti Gýandong-Mýanon (H1N1) pdm09 jáne Gonkong (H3N2), B tıpti Washington Lınııa Vıktorııa jáne Phýket Lınııa Iаmagata shtamdary aınalymda bolady. Bul shtamdardyń alǵashqy 3 antıgeni elimizde egiletin Grıpol+ vaksınasynyń quramynda bar.

Jyl saıyn epıdemııalyq maýsymnyń aldynda respýblıka kóleminde, sonyń ishinde Almaty qalasynda tumaýǵa qarsy tegin ekpe medısına qyzmetkerleri, Balalar úıiniń, mektep-ınternattaǵy balalar, ımmýn jetispeýshiligi, álsiz jáne jıi aýyratyn jasy 6 aıdan asqan balalar, qarttar jáne múgedekter úıindegi kontıngentter, 2-3-shi trımestrdaǵy júkti áıelderge salynady. J.Bekshınniń aıtýynsha, bıyl jergilikti ákimshiliktiń qarajatyna  130 myń doza kóleminde úsh valentti Reseıde óndirilgen Grıppol plıýs vaksınasy satyp alynǵan. Vaksına salynǵannan keıin ımmýnıtet 14 kúnnen keıin qalyptasyp, tumaý maýsymynyń aıaǵyna deıin óz kúshinde bolady. О́tken jyly jergilikti bıýdjet esebinen 100 myń doza Grıppol Plıýs vaksınasy (Reseı Federasııasynda óndirilgen) satyp alynsa, bıyl 430 myń doza alý josparlanyp otyr. Byltyr qala turǵyndarynyń 10,3 paıyzy (200747), onyń ishinde 100 myń adam, ıaǵnı «táýekel tobyna» jatatyndar jergilikti bıýdjet esebinen, 93 633 myń adam jumys berýshiler esebinen, 7114-i aqyly negizde jekemenshik medısınalyq ortalyqtarda vaksına saldyrǵan. Bıyl da qaladaǵy jeke- menshik medısınalyq ortalyqtarynda óz esebinen jáne ártúrli salalarda eńbek etetinder jumys berýshiniń esebinen ekpe saldyrady.

«Qala turǵyndary arasynda JRVI, tumaýdyń aldyn alý jáne epıdemııalyq jaǵdaıdy qalyptastyrý maqsatynda uıymdastyrý, ádistemelik kómek kórsetý jumystary qolǵa alynǵan. Departament pen Almaty qoǵamdyq densaýlyq basqarmasynyń birlesken buıryǵy aıasynda jáne densaýlyq saqtaý men bilim berý uıymymen birlese vedomstvoaralyq keshendi jumys jospary daıyndaldy. Emhanalarda dene qyzýy kóterilgender jeke qabyldaýda bolsa, júkti áıelderdi baqylaý kúsheıtiledi. JRVI, tumaýmen aýyrǵandardan qońyraý qabyldaý úshin 116 telefony jáne úı jaǵdaıynda medısınalyq qyzmet kórsetýge  92  avtokólik bólindi. Aýrýhanalarda naýqastardy emdeý úshin 485 qosymsha oryn bólindi. Qaladaǵy medısına uıymdary men dárihanalar bir retki betperde, zalalsyzdandyrý, tumaýǵa qarsy preparattardyń kerekti qorymen qamtamasyz etilgen. Almaty qalasy bo­ıynsha Ulttyq saraptama ortalyǵynyń fılıaly zerthanalyq tekserý júrgizýge test júıelerimen jabdyqtaldy. Balalar uıymdarynda jáne mektepterde naý­qas­tardy der kezinde anyqtaý úshin tań­erteńgilik fıltrlerdiń jumysy kúsheı­tildi» dep atap ótti J.Bekshın. Al tumaý juqtyrǵan jaǵdaıda ata-analar balalaryn bala-baqshaǵa, mektepke jibermeýi kerek.

Maýsym kezinde tumaýdan saqtaný úshin dárigerdiń ruqsatymen vırýsqa qarsy jaqpamaılardy (oksalın, antıvır jáne basqalary), polıvıtamınderdi, sonymen qatar ımmýnıtetti kóteretin aqýyz, vıtamınderge jáne mıneraldy zattarǵa baı pııaz, sarymsaq, sondaı-aq tabıǵı fıtonsıdter, shópter, qaraqat, ıtmuryn sııaqty ónimderdi qoldaný qajet, dep atap ótken J.Bekshın osy kezeńde áleýmettik ara- qashyqtyqty saqtaýdy, naýqas adamdarmen qarym-qatynasty shekteý men adamdar kóp jınalatyn jerlerge barmaýdy eskertti. Sonymen birge maýsymǵa saı kıiný, betperde, dezınfeksııalyq quraldardy paıdalaný, qoldy jıi jýý, saqtyq sharalary da asa qajet.

Sońǵy jańalyqtar

О́tken táýlikte 117 adam indetten aıyqty

Koronavırýs • Búgin, 09:06

Transkaspıılik kólik tasymaly artady

Ekonomıka • Búgin, 08:14

Qandastar máselesi talqylandy

Saıasat • Búgin, 08:12

Alaıaqqa aldanatyndar áli kóp

Qoǵam • Búgin, 07:58

Kóshe kamerasynyń kómegi

Aımaqtar • Búgin, 07:57

Ekkeni – júgeri, ónimi údedi

Ekonomıka • Búgin, 07:37

Tirligi alǵa basqan Alǵa

Aımaqtar • Búgin, 07:35

Baspanaly bolý múmkindigi artty

Ekonomıka • Búgin, 07:27

Uıat pa, uıat emes pe?

Aımaqtar • Búgin, 07:24

Meıirim men qaıyrym

Rýhanııat • Búgin, 07:18

Tramptan keıingi álemdik tártip

Saıasat • Búgin, 07:14

Siz bilesiz be?. .

Ádebıet • Búgin, 07:09

Tańǵalý sındromy

Ádebıet • Búgin, 07:07

Nobel syılyǵyna kim ne satyp aldy?

Ádebıet • Búgin, 07:06

«Barys» jeńetin kún qaıda?

Hokkeı • Búgin, 07:05

Sý aıdyndary sýǵa zárý

Qoǵam • Búgin, 07:04

Avtor

Aımaqtar • Búgin, 07:02

Namysyn tý etken

Rýhanııat • Búgin, 07:00

Arktıkanyń mańyzy arta túsedi

Álem • Búgin, 06:57

Býdapeshtte júlde buıyrmady

Sport • Búgin, 06:56

Aǵaıyndy Aqshalovtar

Boks • Búgin, 06:55

Jahandy jaýlaǵan «Qyz Jibek»

Teatr • Búgin, 06:53

Nur-Sultanda týrnır ótýde

Tennıs • Búgin, 06:52

Balýandar Janashyrda jattyǵady

Sport • Búgin, 06:49

Parıj Olımpıadasyna – 120 jyl!

Sport • Búgin, 06:48

Hakim tulǵasy – halyq júreginde

Rýhanııat • Búgin, 06:46

Shyraıly «Shyǵys álemi»

Oqıǵa • Búgin, 06:40

Koronavırýstan qalaı qorǵanamyz?

Koronavırýs • Keshe

Uqsas jańalyqtar