"О́tken aptada oblys aýmaǵynda 21 órt boldy. Bireýinde adam ajal qushty. Bul oqıǵa Aıyrtaý aýdanyndaǵy Konstantınovka selosynda boldy. О́rttiń shyǵýyna qojaıynnyń ot qaýipsizdigin saqtamaǵandyǵy sebep bolǵan. Esik aldynda jaqqan ottyń jalyny tóbedegi tez janatyn shatyrǵa tıip, órt birden sóndirýge bolmaıtyn kúshke enip ketken. Nátıjesinde, eki páterlik úıdiń bir jaǵy tolyǵymen órttenip, 75 sharshy metrdi sharpydy. Eń ókinishtisi sol, úı ıesi, 1967 jyly týǵan adam onyń ishinde qalyp qaza tapty", dedi Nurlan Atyǵaev.
Sonymen qatar ol 21 ret órt eski qaý men qamystardy jaqqannan oryn alǵanyn jetkizdi. О́rttiń aldyn alý jáne baqylaý úshin 232 adamnan turatyn 55 utqyr top reıdterge shyǵyp, azamattarǵa únemi órt qaýipsizdigin eskertip otyrady. Bıyl sondaı 1 myńǵa taıaý reıd jasaldy. Sonyń nátıjesinde 195 adam jaýapkershilikke tartylyp, 1 mln teńgedeı aıyppul tóledi.
Sonymen birge TJ qyzmeti bastyǵynyń orynbasary sý qaýipsizdigi týraly da baıandady. Bıylǵy jazda oblysta 9 adam sýǵa ketken eken. Sonyń bireýi bala. Sýǵa ketýshilerdiń arasynda balyqshylar da bolady. Sondaı oqıǵa jýyrda ǵana Mamlıýt aýdanyndaǵy Okýnevo selosynda bolǵan. Balyqqa barǵan úsh adamnyń biri ushty-kúıli joǵalyp, tek eki kúnnen keıin ǵana onyń óli denesi qamys arasynan tabylǵan. Qazir onyń óliminiń sebebi anyqtalýda.
