Qoǵam • 16 Qyrkúıek, 2020

"Eńbek" memlekettik baǵdarlamasyna 145 myńnan astam jastar ókili qatysyp jatyr

18 ret kórsetildi

1 qyrkúıektegi jaǵdaı boıynsha 145 myńnan astam jas azamat Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan "Eńbek" memlekettik baǵdarlamasynyń qatysýshylary boldy, dep habarlaıdy Egemen.kz eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

Osy jyldyń 8 aıynda 134,8 myń jas azamat jumyspen qamtyldy, onyń ishinde 76,1 myńnan astam adam áleýmettik jumys oryndaryna, jastar praktıkasyna jáne qoǵamdyq jumystarǵa jiberildi. 4,5 myń jas azamat eńbek naryǵynda suranysqa ıe daǵdylar men mamandyqtar boıynsha qysqa merzimdi oqýǵa jiberildi, al 6,4 myń adam jeńildetilgen mıkrokredıtter men qaıtarymsyz granttarǵa ıe boldy.

Sonymen qatar jumys berýshilerdi eńbek tájirıbesi joq jastardy qabyldaýǵa yntalandyrý jáne eńbek naryǵynda jastardyń básekege qabilettiligin arttyrý maqsatynda "Eńbek" memlekettik baǵdarlamasy aıasynda alǵash ret jumys izdep júrgen túlekterge barlyq menshik nysanyndaǵy uıymdarda qajetti eńbek daǵdylaryn úıretý úshin olardy jumysqa ornalastyrýdy kózdeıtin "Alǵashqy jumys orny" jobasy iske asyrylýda.

"Kópbalaly jáne tabysy az otbasylardan shyqqan kolledjder men joǵary oqý oryndarynyń túlekteri, sondaı-aq oqýyn aıaqtaǵan ári eńbekke qabiletti múgedekter "Alǵashqy jumys orny" jobasy boıynsha basym quqyqqa ıe", - dedi Eńbek jáne halyqty áleýmettik qorǵaý mınıstrligi Halyqty jumyspen qamtý departamenti dırektorynyń orynbasary Azız Ibragımov.            

Jalpy elimiz boıynsha osy jyly "Eńbek" baǵdarlamasyna 430 myń adam qatysyp, olarǵa túrli qoldaý sharalary kórsetildi. 279,8 myń adam jumyspen qamtylsa, onyń ishinde 146,7 myń adam turaqty jumysqa kirdi. 159,8 myńnan astam adam sýbsıdııalanatyn jumys oryndarymen qamtyldy. Bıznes-ıdeıalardy damytýǵa 6 984 mıkrokredıt jáne 20,4 myń grant berildi. 28,4 myń azamat kásipkerlik negizderine qysqa merzimdi oqýdan ótýde.

Sońǵy jańalyqtar

Qur aýlaımyn dep quryqtaldy

Aımaqtar • Keshe

Almatyda jer silkindi

Qazaqstan • Keshe

Elengen erlik

Aımaqtar • Keshe

Uqsas jańalyqtar