Saıasat • 16 Qyrkúıek, 2020

Beıbit Atamqulov О́zbekstannyń Qazaqstandaǵy elshisimen kezdesti

25 ret kórsetildi

Indýstrııa jáne ınfraqurylymdyq damý mınıstri Beıbit Atamqulov О́zbekstan Respýblıkasynyń Qazaqstan Respýblıkasyndaǵy Tótenshe jáne ókiletti elshisi Saıdıkram Nııazhodjaevpen kezdesti, dep habarlaıdy Egemen.kz IIDM baspasóz qyzmetine silteme jasap.

Elshi koronavırýs pandemııasy kezinde О́zbekstan azamattarynyń eline oralýyna jaǵdaı jasaǵan Qazaqstan Úkimetine alǵysyn bildirdi. Ol sondaı-aq eki el arasynda júk aınalymy tranzıti artyp kele jatqanyn atap kórsetti. О́tken jyly taýar aınalymy 3,3 mlrd. AQSh dollaryn qurady. Qazaqstannyń temir jolymen tasymaldanǵan júk tranzıti kólemi 9 mln. tonnaǵa jetti. 2020 jyldyń 7 aıynda Qazaqstan men О́zbekstan arasynda eksporttyq-ımporttyq júk tasymaly kólemi 5 mln. tonnaǵa jetip, 2019 jyldyń tıisti kezeńimen salystyrǵanda 648,32 myń tonnaǵa artty.      

Epıdemıologııalyq ahýal jaqsarǵan jaǵdaıda Tashkent – Almaty baǵytyndaǵy áýe reısteriniń jıiligin arttyrý jáne Tashkent – Nur-Sultan baǵytynda áýe reısin ashý jaıy qarastyryldy. Sondaı-aq Túrkistan – Samarkand, Taraz – Núkis jáne Aqtaý  – Úrgenish baǵyttarynda áýe reısterin ashý máselesi talqylandy. Ol reısterdi qazaqstandyq áýe kompanııalary oryndaıdy dep josparlanyp otyr.   

Qazaqstan aýmaǵy arqyly О́zbekstan men Reseı arasynda temir jol qatynasyn ashý máselesi de qozǵaldy. Qorytyndy sheshimdi Vedomstvoaralyq komıssııasy epıdemııalyq ahýaldy esepke ala otyryp qabyldaıdy.   

Oǵan qosa, mashına jasaý salasyndaǵy yntymaqtastyq jáne kooperasııa jaıy qarastyrylyp, Qazaqstannyń dárilik zattary men preparattaryn О́zbekstanǵa jetkizý múmkindikteri talqylandy.  

Sońǵy jańalyqtar

Namysyn tý etken

Rýhanııat • Keshe

Uqsas jańalyqtar